![প্ৰকাণ্ড গছ পৰি যোগীবস্তিৰ আই থানত বিস্তৰ ক্ষতি..](http://media.assettype.com/asomiyapratidin%2F2022-09%2F4ce9d2ec-9471-4aff-86fb-9a63d32fab93%2Fagranii.jpg?w=480&auto=format%2Ccompress&fit=max)
ডিজিটেল সংবাদ,জামুগুৰিহাটঃ জামুগুৰিহাটৰ যোগীবস্তিৰ আই থানত প্ৰকাণ্ড গছ বাগৰি পৰি বিস্তৰ ক্ষতি হয়৷ বিয়লি অহা বতাহ ধুমুহাৰ ফলত বহু পুৰণিকলীয়া এজোপা প্ৰকাণ্ড গছ ভাঙি থান খনৰ ঘৰটোৰ ওপৰত বাগৰি পৰে৷ দীৰ্ঘ দিন ধৰি অঞ্চলটোৰ ধৰ্মপ্ৰাণ ৰাইজে উক্ত আই থানত চাকি বন্তি জ্বলাই সেৱা জনাই আহিছিল। লগতে গোপিনী সকলে আই থান খনত নাম-প্ৰসংগ কৰিছিল ৷
সম্প্ৰতি প্ৰকৃতিক দুৰ্যোগৰ বাবে আই থানখনৰ ঘৰটো ভাঙি পৰাত ধৰ্মপ্ৰাণ ৰাইজ সমস্যাৰ সন্মুখীন হৈছে৷ অঞ্চলটোৰ ধৰ্মপ্ৰাণ ৰাইজে চৰকাৰক শীঘ্ৰে আই থানখনৰ গৃহটিৰ পুনৰ নিৰ্মানৰ অনুৰোধ জনাইছে ৷