![শোণিতপুৰৰ চাৰিদুৱাৰত অবৈধ কয়লা জব্দ](http://media.assettype.com/asomiyapratidin%2F2024-02%2F3a082d6c-6a4b-4a4f-9fee-efd09310597e%2F273.jpg?w=480&auto=format%2Ccompress&fit=max)
ডিজিটেল সংবাদ,জামুগুৰিহাটঃ শোণিতপুৰৰ চাৰিদুৱাৰত জব্দ কৰা হৈছে অবৈধ কয়লা ৷ জানিব পৰামতে, চাৰিদুৱাৰৰ পৰা নিশা বন বিভাগে অভিযান চলাই আটক কৰে চালকসহ তিনিখনলৈ কয়লা কঢ়িয়াই অনা গাড়ী ৷
মেঘালয়ৰ পৰা অৰুণাচললৈ অবৈধভাৱে কঢ়িয়াই নিয়া অৱস্থাত গোপন সূত্ৰৰ পম খেদি কয়লাসহ বাহন কেইখন আটক কৰে চাৰিদুৱাৰ বন বিভাগে ৷ আটকাধীন গাড়ী কেইখনৰ নম্বৰ AS-01-DD -4797, AS -01- CC -9337, আৰু AS -01- MC- 9403।
জব্দকৃত বাহনকেইখনত আনুমানিক ৩০ টন কয়লা মজুত থকাৰ সন্দেহ বন বিভাগৰ ৷ চাৰিদুৱাৰ বন বিভাগে কয়লাভৰ্তি ট্ৰাক কেইখনৰ ওপৰত তদন্ত অব্যাহত ৰাখিছে।