জামুগুৰিহাটৰ তৌভঙা বনিক সন্থাৰ উদ্যোগত দুৰ্গা পূজা উদযাপন

ডিজিটেল সংবাদ,জামুগুৰিহাট : জামুগুৰিহাটৰ তৌভঙা বনিক সন্থাৰ উদ্যোগত উদযাপন কৰা হৈছে দুৰ্গা পূজা ৷ এই উপলক্ষে চলিছে মা দুৰ্গা দেৱীৰ পূজা -অৰ্চনা ৷

বৃহস্পতিবাৰে মহা সপ্তমীৰ দিনা ৰাজ্যৰ বিভিন্ন প্ৰান্তৰ লগতে জামুগুৰিহাটৰ তৌভঙাৰ দুৰ্গা পূজা মণ্ডপত মহাসপ্তমী উপলক্ষে মা দুৰ্গা দেৱীক বন্দনা কৰিবলৈ ওলাই অহা দেখা গৈছে বহুসংখ্যক ভক্তপ্ৰাণ ৰাইজ ৷ প্ৰতিকুল বতৰকো নেওচি এনেদৰেই ধৰ্ম্মপ্ৰাণ ভক্তসকল ওলাই অহাটোৱেই তাৎপৰ্য্য বহন কৰিছে পূজাৰ ।

পুৱাৰ পৰাই দেখা গৈছে অগণন ভক্তৰ ভিৰ ৷ ভক্তপ্ৰাণ ৰাইজে পূজামণ্ডপত ভিৰ কৰিছেহি নিজৰ নিজৰ মনোবাঞ্চা পুৰনৰ অৰ্থে তথা নিজৰ মনৰ আশা আকাংক্ষা পূৰণৰ বাবে মা দুৰ্গা শ্ৰীচৰণত বন্দনা কৰিছে ৷

Also Read: ৰতন টাটাৰ বিয়োগত শোকে-তাপে ম্ৰিয়মান বলিউড জগত : আৱেগিক ক্ৰিকেটৰ ভগৱান শচীন তেণ্ডুলকাৰ