জামুগুৰিহাটত ৭খনকৈ আঁচনি শুভ উদ্বোধন বিধায়ক পদ্ম হাজৰিকাৰ

ডিজিটেল সংবাদ,জামুগুৰিহাটঃ জামুগুৰিহাটৰ ২নং বৰদিকৰাই আদৰ্শ গাঁৱত আজি ৫০ লাখ টকা ব্যয় সাপেক্ষে নিৰ্মাণ হব লগা ৭ খনকৈ আঁচনিৰ নিৰ্মাণ কাৰ্য্য শুভ উদ্বোধন কৰে নদুৱাৰ সমষ্টিৰ বিধায়ক পদ্ম হাজৰিকাই ৷

শুভ উদ্বোধনী অনুষ্ঠানটিৰ ভাষণ প্ৰসংগত বিধায়ক গৰাকীয়ে কয় যে ২নং বৰদিকৰাই আদৰ্শ গাঁও খনলৈ চৰকাৰে ইতিমধ্যে ৫ কোটি টকা অনুমোদন জনাইছে ৷ ইয়াৰে ৫০ লাখ টকাৰ আঁচনিৰ কাম ইতিমধ্যে সম্পূৰ্ণ হৈছে ৷

পুনৰ ২০২২-২০২৩ বৰ্ষৰ পূঁজিৰ পৰা মোকলাই দিয়া ৫০লাখ টকা ব্যয় সাপেক্ষে নিৰ্মাণ হব লগা ৭খনকৈ আঁচনিৰ কামৰ আজি শুভ উদ্বোধন কৰা হৈছে ৷ এই আঁচনি সমূহৰ কাম সম্পূৰ্ণ হৈ উঠিলে অঞ্চলটোৰ ৰাইজ নিশ্চিত ভাবেই উপকৃত হব বুলিও আশা কৰিছে বিধায়ক গৰাকীয়ে৷

উল্লেখ্যযোগ্য যে, আজিৰ এই অনুষ্ঠানটোত অঞ্চলটোৰ ৰাইজ আৰু বিশিষ্ট ব্যক্তি সকল উপস্থিত আছিল।

Also Read: লক্ষ্য ২০২৬ ! আকৌ সলনি হ'ল দুলু আহমেদৰ ৰাজনৈতিক পৰিচয়...