পুখুৰীত মাছ নহয়, লোহাৰ ৰড বিচাৰি আৰক্ষীৰ অভিযান...

ডিজিটেল সংবাদ জামুগুৰিঃ পুখুৰীৰ পানীৰ তলত থকা মাছ বিচাৰি নহয়, চুৰি কৰি আনি লুকুৱাই থোৱা লোহাৰ ৰড বিচাৰি আৰক্ষীয়ে চলাইছে অভিযান৷ জামুগুৰিহাটৰ পানীভৰ্তি মেটেকাৰে আগুৰা এটা পুখুৰীৰ তলত মাছৰ পৰিৱৰ্তে ওলাইছে লোহাৰ ৰড৷

যাৰবাবে এইবাৰ আৰক্ষীয়ে অভিযান চলাইছে পানীৰে পৰিপূৰ্ণ এটা পুখুৰীত৷ জামুগুৰিহাটৰ কোৱামৰা গাঁৱৰ এটা পুখুৰীত লোহাৰ ৰডৰ সন্ধানত জামুগুৰি আৰক্ষী বিষয়া কল্পজ্যোতি বৰাৰ নেতৃত্বত অভিযান চলাইছে আৰক্ষীয়ে৷

কাৰণ এই পুখুৰীৰ পানীৰ তলতেই আছে চুৰি কৰি অনা ৰডৰ বাণ্ডোল৷ উদ্ধাৰ হৈছে কুইন্টলৰো অধিক ৰড৷ চুৰি কৰি অনা লোহাৰ ৰডৰ লগত জড়িত আইনুল হক আৰু মনজিত আলি নামৰ চোৰ দুটাক গ্ৰেপ্তাৰ কৰিছে জামুগুৰি আৰক্ষীয়ে৷

জামুগুৰিহাটত চাৰিলেনযুক্ত পথ নিৰ্মাণৰ দায়িত্বত থকা B N Company আৰু চকিঘাট দলং নিৰ্মাণৰ দায়িত্বত থকা RSM Company য়ে কামত ব্যৱহাৰ কৰা ৰড আৰু ছাটায়িং দীৰ্ঘদিন ধৰি এটি চক্ৰই চুৰি কৰি বিক্ৰী কৰি থকাৰ বিষয়ে অৱগত কৰিছিল জামুগুৰি আৰক্ষীক৷ যাৰবাবে এইদৰে গোপন সূত্ৰৰ পম খেদি আৰক্ষীয়ে অভিযান চলাই ৰড আৰু ছাটায়িঙ লগতে দুজনক আটক কৰে৷

অৱশ্যে ৰডবোৰ লুকুৱাই থোৱা পুখুৰীটোৰ গৰাকী পলাই সাৰিবলৈ সক্ষম হয়। তেওঁক বিচাৰি আৰক্ষীয়ে অব্যাহত ৰাখিছে অভিযান।

As per reliable source information today stolen Iron chataring 17 pieces and Iron steel approx 4-5 quintal of Babul Nath Company recovered and seized. In this regard, culprit namely Ainul Hoque & Md Manjil Ali both PS Jamuguri has been apprehended.@assampolice @DGPAssamPolice pic.twitter.com/XJdVzs4Y4C

— Sonitpur Police (@SonitpurPolice) April 7, 2023

Also Read: চাইবাৰ অপৰাধীৰ দপদপনিঃ পতি,পত্নীৰ একাউণ্টৰ পৰা সৰকালে কেইবালাখ টকা...