বিশ্বকৰ্মা মূৰ্তি বিসৰ্জন দিবলৈ গৈ বাইক আৰোহী ভয়ংকৰ দুৰ্ঘটনাৰ সন্মুখীন...

ডিজিটেল সংবাদ জামগুৰিহাটঃ বালিপৰাৰ খনামুখত সংঘটিত হৈছে এক পথ দুৰ্ঘটনা। এখন মটৰ চাইকেল আৰু এখন স্কুটিৰ মাজত হোৱা মুখামুখি সংঘৰ্ষৰ ফলতে এই দুৰ্ঘটনা সংঘটিত হয়।

জানিব পৰা মতে খনামুখৰ বোকাগাঁৱৰ ১৫ নং ৰাষ্ট্ৰীয় ঘাইপথত সংঘটিত হৈছে এই দুৰ্ঘটনা। বিশ্বকৰ্মাৰ মূৰ্তি বিসৰ্জন দিবলৈ যোৱা এখন পালছাৰ বাইকে বিপৰীত দিশৰ পৰা আহি থকা এখন স্কুটিত তীব্ৰ বেগত খুন্দা মাৰে। স্কুটিখনৰ নম্বৰ এ এছ ১২ এ বি ৯৬৯২ আনহাতে পালছাৰ বাইকখনৰ নম্বৰ প্লেট আধা ভাঙি থকাৰ বাবে অন্তিম দুটা নম্বৰ জানিব পৰা নগ'ল। আধা ভঙা এই নম্বৰ প্লেটখন হৈছে এ এছ ০৭ এফ ৪০XX।

এই দুৰ্ঘটনাত তিনিজনকৈ লোক অতি গুৰুতৰভাৱে আহত হৈছে। তিনিওকে প্ৰথমে বালিপৰা চিকিৎসালয়ত ভৰ্তি কৰোৱা হৈছিল যদিও তেওঁলোকৰ আঘাত গুৰুতৰ হোৱাত উন্নত চিকিৎসাৰ বাবে তেজপুৰ মেডিকেল কলেজ হাস্পতাললৈ প্ৰেৰণ কৰা হয়।

বাতৰি লিখাৰ সময়লৈকে আহত তিনিওজন ব্যক্তিৰে নাম জানিব পৰা হোৱা নাই।

Also Read: ৰাহুল গান্ধীক হত্যাৰ ভাবুকি দিয়া BJP নেতাৰ প্ৰতিকৃতি দাহেৰে APCC ৰ প্ৰতিবাদ