ডিজিটেল সংবাদ জামুগুৰিহাটঃ দীপাৱলীৰ আনন্দৰ মাজতে নিশা জামুগুৰিহাটত সংঘটিত হৈছে এক ভয়ংকৰ পথ দুৰ্ঘটনা। জানিব পৰা মতে এখন মটৰ চাইকেলে পথাচাৰীক মহতিয়াই নিয়ে। এই ঘটনাত আহত হৈছে শিশুসহ চাৰিজনকৈ লোক।
জানিব পৰা মতে চাৰিলেনযুক্ত পথ পাৰ হ'বলৈ ধৰোতেই শৈলেন বৰা নামৰ যুৱকজনক চতিয়া অভিমুখী এখন মটৰ চাইকেলে খুন্দা মাৰে। ফলত তেওঁ গুৰুতৰ ভাৱে আহত হয়। আহত এই শৈলেন বৰা গহপুৰ দক্ষিণ কালাবাৰীৰ পূৱপাৰাৰ বাসিন্দা তথা জামুগুৰি বিদ্যুৎ উপ সংমণ্ডল বিষয়াৰ কাৰ্যালয়।
ইফালে যিখন মটৰ চাইকেলে তেওঁক খুন্দা মাৰে সেই মটৰ চাইকেলত আছিল শিশুসহ ৩ জনকৈ লোক। এই তিনিওজনো গুৰুতৰভাৱে আহত হৈছে। মটৰ চাইকেলত থকা কেইজন ক্ৰমে চতিয়া ঘাঁহিগাঁও ছয়পুৰৰ বাবুল আলি(২২), ৰুবুল আলি(৩০) আৰু মিছ চাহানী আহমেদ(৭)৷
ঘটনা সংঘটিত হোৱাৰ পাছতে আহত চাৰিওজনে জামুগুৰি আৰক্ষীয়ে ততাতৈয়াকৈ ধলাইবিলস্থিত উত্তৰ জামুগুৰি প্ৰাথমিক স্বাস্থকেন্দ্ৰত ভৰ্তি কৰায়৷ দুৰ্ঘটনাগ্ৰস্ত মটৰ চাইকেলখনৰ নম্বৰ এ এছ ০১ ২এএল ০১১২।
