টলকাবাৰী কীৰ্তন গৃহত ধৰ্মলোচনী সভা সম্পন্ন...

ডিজিটেল সংবাদ, শোণিতপুৰঃ শোণিতপুৰ জিলাৰ জামুগুৰিহাটৰ ওপৰ টলকাবাৰী কীৰ্তন গৃহত শ্ৰীমন্ত শংকৰদেৱ সংঘৰ জামুগুৰিহাট শাখাৰ উদ্যোগত মাধৱদেৱৰ জন্ম জয়ন্তী উপলক্ষে শনিবাৰে এখনি ধৰ্মালোচনী সভা অনুষ্ঠিত হৈ যায় ৷

শ্ৰীমন্তশঙ্কৰদেৱ সংঘৰ ওপৰ টলকাবাৰী প্ৰাথমিক শাখাৰ আতিথ্যত অনুষ্ঠিত এই ধৰ্মালোচনী সভাত আলোচক হিচাপে অংশগ্ৰহণ কৰে শংকৰ সংঘৰ যোৰহাট জিলাৰ প্ৰচাৰক নিৰেন মাহালীয়ে ৷ ধৰ্মালোচনী সভাখনত শংকৰদেৱ সংঘৰ জামুগুৰিহাট শাখাৰ প্ৰতিটো প্ৰাথমিকৰ বিষয়ববীয়াও সদস্যসকল উপস্থিত থাকে ৷

পুৱা পতাকা উত্তোলন, নাম প্ৰসংগ আদি বিভিন্ন কাৰ্যসূচীৰে দিনজোৰাকৈ অনুষ্ঠিত হোৱা এই ধৰ্মালোচনী সভাখনি শুভ উদ্ধোধন কৰে সংঘৰ তেজপুৰ জিলা সমিতিৰ প্ৰাক্তন সভাপতি প্ৰভাকৰ বৰ্মনে ৷ পুৱাৰে পৰা সন্ধিয়া পৰ্যন্ত সহস্ৰাধিক ভক্তপ্ৰাণ ৰাইজৰ উপস্থিতিয়ে বৈকুণ্ঠ নগৰীত পৰিণত কৰে ওপৰ টলকাবাৰী অঞ্চল ৷

Also Read: পুৱাই আহিল ৩.২ প্ৰাবল্যৰ ভূমিকম্প...