ডিজিটেল সংবাদ জামুগুৰিহাটঃ জামুগুৰিহাটৰ ইটাখোলা ব্যৱসায়ীক কেন্দ্ৰত বুধবাৰে পুৱা এক বৃক্ষৰোপণ কাৰ্যসূচী অনুষ্ঠিত হয় ৷ চতিয়া আঞ্চলিক পঞ্চায়তৰ উদ্যোগত আৰু ইটাখোলা ব্যৱসায়ীক সন্থাৰ সহযোগত অনুষ্ঠিত এই বৃক্ষৰোপণ কাৰ্যসূচীৰ শুভাৰাম্ভ কৰে চতিয়া সমষ্টিৰ বিধায়ক পদ্ম হাজৰিকাই ৷
ইটাখোলা অঞ্চলটোৰ ৭৫ জন প্ৰয়াত মহান ব্যক্তিৰ সোৱঁৰণত অনুষ্ঠিত এই কাৰ্যসূচীৰ শুভাৰাম্ভ কৰি বিধায়ক পদ্ম হাজৰিকাই কয়- গ্ৰীণ ইটাখোলা ক্লীণ ইটাখোলা নিৰ্মাণত ইটাখোলাবাসী ৰাইজে যি সহাৰি আগবঢ়াইছে সেইলৈ মই সুখী ৷ বিভিন্ন জাতি জনগোষ্ঠীৰ মিলন ভূমি এই ইটাখোলাৰ পৰাই প্ৰকৃতি ৰক্ষাৰ বাৰ্তা সমগ্ৰ ৰাজ্যখনলৈ বিয়পি পৰক ৷
বৃক্ষৰোপণ কাৰ্যসূচীত চতিয়া আঞ্চলিক পঞ্চায়তৰ সভাপতি লক্ষীকান্ত বৰা, দিপলোঙা বন বিভাগৰ বিষয়া ভানু বৰুৱা, বিশিষ্ট সমাজসেৱক অশোক গুপ্তা, মনোজ গুপ্তা আৰু ইটাখোলা ব্যৱসায়ীক সন্থাৰ সকলো কৰ্মকৰ্তা উপস্থিত থাকে ৷
