জামুগুৰিহাটৰ পথ দুৰ্ঘটনাত প্ৰাণ গ’ল দুজন যুৱকৰ...

ডিজিটেল সংবাদ,জামুগুৰিহাট : জামুগুৰিহাটৰ চৌকিঘাট দলঙৰ সমীপৰ চাৰিলেনযুক্ত ৰাষ্ট্ৰীয় ঘাইপথত শুকুৰবাৰে নিশা প্ৰায় ৯-০০ বজাত সংঘটিত হয় ভয়ংকৰ পথ দুৰ্ঘটনা৷ তেজপুৰ দিশৰ পৰা আহি থকা HR-55-AG-4991 নম্বৰৰ টেংকাৰখনত জামুগুৰিহাটৰ দিশৰ পৰা তীব্ৰ বেগত যোৱা AS-12-AK-0686 নম্বৰৰ মটৰচাইকেলখনে মুখামুখি খুন্দা মৰাৰ ফলত থিতাতে নিহত দুই মটৰচাইকেল আৰোহী যুৱক ৷

নিহত এগৰাকী যুৱক তেজপুৰ ভালুক জাৰণী খলিহামাৰীৰ বৰুণ শইকীয়া। আনগৰাকী যুৱক তেজপুৰ ন’পামৰ পলাশ শইকীয়া বুলি জানিব পৰা গৈছে ৷ দুৰ্ঘটনাস্থলীত জামুগুৰি আৰক্ষী আৰু বৰঘাট আৰক্ষী উপস্থিত হৈ তদন্ত আৰম্ভ কৰাৰ লগতে দুয়োৰে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে তেজপুৰ কনকলতা অসামৰিক চিকিৎসালয়লৈ প্ৰেৰণ কৰিছে ৷

Also Read: ধেমাজি জিলা সত্ৰ মহাসভাৰ অধিৱেশন সম্পন্ন