শুই থকা অৱস্থাত বাসগৃহৰ সৈতে হেঁচা মাৰি ধৰিলে প্ৰকাণ্ড গছেঃ এজনৰ মৃত্যু...

ডিজিটেল ডেস্কঃ ৰাজ্যৰ বিভিন্ন স্থানত ধুমুহাৰ তাণ্ডৱ। নিশা ধুমুহাৰ ফলত মৃত্যু এজনৰ।বৰপেটাৰোডৰ শংকৰদেৱ পথত নিশা সংঘটিত হ'ল এক অঘটন।

বাসগৃহৰ ওপৰতে বাগৰি পৰিল প্ৰকাণ্ড গছ। ফলত শুই থকা অৱস্থাতে নিহত হ'ল গৌতম দাস নামৰ এজন লোক। জানিব পৰা মতে গছডালে ঘৰৰ সৈতে হেঁচা মাৰি ধৰে গৌতম দাসক। ফলত থিতাতে নিহত হয় তেওঁ।

আনহাতে চিৰাঙতো ধুমুহাই প্ৰচণ্ড তাণ্ডৱ অব্যাহত ৰাখিছে। চিৰাঙৰ বিজনীত প্ৰচণ্ড ধুমুহাত উভালি পৰিল গছ। বিজনীৰ সুভাইঝাৰ পথত সংঘটিত হৈছে এই ঘটনা। ফলত এই পথটোত স্তব্ধ হৈ পৰে যাতায়ত। গছ বাগৰি পৰাৰ ফলত বিদ্যুৎ পৰিবাহী তাঁৰবোৰ চিঙি যোৱাৰ ফলত ব্যাহত হৈ পৰিছে বিদ্যুৎ সেৱা।

Also Read: মেট্ৰিকৰ প্ৰশ্ন কাকত ফাদিলঃ ৪১ জনৰ বিৰুদ্ধে অভিযোগনামা দাখিল চি আই ডিৰ...