পূৰ্বেই বাতিল হোৱা মেট্ৰিকৰ বিজ্ঞান পৰীক্ষাত আজি পুনৰ অৱতীৰ্ণ হৈছে পৰীক্ষাৰ্থীসকল...

ডিজিটেল ডেস্কঃ বৃহস্পতিবাৰে মেট্ৰিকৰ বিজ্ঞান পৰীক্ষাত বহিছে মেট্ৰিক পৰিক্ষাৰ্থী । পূৰ্বেই বাতিল কৰা হৈছিল মেট্ৰিকৰ দুটাকৈ বিষয়ৰ পৰীক্ষা । বিজ্ঞান বিষয়ৰ পৰীক্ষাৰ লগতে অসমীয়া পৰীক্ষা বাতিল কৰা হৈছিল । যোৱা ১৩ মাৰ্চত অনুষ্ঠিত হ’বলগীয়া পৰিক্ষাৰ প্ৰশ্নকাকত ফাদিল হোৱাৰ পিছত বাতিল কৰা হৈছিল বিজ্ঞান বিষয়ৰ পৰীক্ষা ।

এইবাৰ ছেবাই নতুন এছ পিৰে পৰীক্ষা অনুষ্ঠিত কৰিছে । পুনৰবাৰ পৰীক্ষাৰ বাবে সাজু হৈ লাখ লাখ শিক্ষাৰ্থীয়ে আজিৰ দিনটোত পৰীক্ষাত বহিছে । দুবাৰকৈ প্ৰশ্নকাকত ফাদিলৰ পিছত স্বাভাৱিকতেই ক্ষুন্ন হৈ পৰিছিল শিক্ষাৰ্থী, অভিভাৱকৰ উপৰিও সচেতন মহল ।

প্ৰশ্নকাকত ফাদিলৰ পিছতেই ৰাজ্যৰ বিভিন্ন প্ৰান্তত প্ৰতিবাদ সাব্যস্ত কৰিছিল ছাত্ৰ-ছাত্ৰীৰ উপৰিও বিভিন্ন দল সংগঠনসমূহে । ইমান বেমেজালিৰ পিছতো আজিৰ দিনটোত পৰীক্ষাত বহিছে শিক্ষাৰ্থীসকল । আশাহত হোৱা ছাত্ৰ-ছাত্ৰক এইবাৰ সুকলমে পৰীক্ষা অনুষ্ঠিত কৰি হেৰুৱা বিশ্বাস ঘূৰাই অনাৰ ক্ষেত্ৰত ছেবা কৰ্তৃপক্ষই কিদৰে সফল হয় সেয়া পৰৱৰ্তী সময়ত লক্ষনীয় হ’ব ।

Also Read: ভাল খবৰ, পুনৰ ৰাজ্যত নিযুক্তি লাভ কৰিব ৪২ হাজাৰ নিবনুৱা যুৱক-যুৱতীয়ে...