একেটা পৰিয়ালৰ ৩ সদস্যৰ ওপৰত এচিড আক্ৰমণ দুৰ্বৃত্তৰ...

ডিজিটেল সংবাদ হাজোঃ মঙ্গলবাৰে নিশা হাজোৰ খোপনিকুচিত সংঘটিত হৈছে এক জঘণ্য ঘটনা। এটা পৰিয়ালৰ ওপৰত এচিড আক্ৰমৰ দৰে ঘটনা সংঘটিত কৰিলে দুৰ্বৃত্তই।

জানিব পৰা মতে দুৰ্বৃত্তৰ এই এচিড আক্ৰমণত আহত হৈছে পৰিয়ালটোৰ তিনিগৰাকীকৈ মহিলা সদস্য। তাৰে এগৰাকী কিশোৰী।

পৰিয়ালটোৰ লোকসকলে জানিবলৈ দিয়া মতে নিশা শুই থকাৰ অৱস্থাত খিৰিকীৰে দুৰ্বৃত্তই এচিন নিক্ষেপ কৰে। সন্দেহ কৰা অনুসৰি প্ৰেম জনিত কাৰণতে এই ঘটনা সংঘটিত হৈছে।

অভিযোগ অনুসৰি স্থানীয় এজন যুৱকে বাৰে বাৰে কিশোৰীগৰাকীক প্ৰেমৰ প্ৰস্তাৱ দি অহাৰ লগতে বিভিন্ন ধৰণে ভাবুকি দি আহিছিল। এই ঘটনাই এতিয়া সমগ্ৰ অঞ্চলটোতে চাঞ্চল্যৰ সৃষ্টি কৰিছে।

এচিড আক্ৰমণত আহত মহিলা কেইগৰাকী ক্ৰমে জাহেদা চুলতানা, মালেকা খাতুন আৰু মনেছ আলী। তিনিওকে মুমূৰ্খ অৱস্থাত ভৰ্তি কৰোৱা হৈছে চিকিৎসালয়ত।

ঘটনা সন্দৰ্ভত হাজো আৰক্ষী থানাত দাখিল কৰা হৈছে এজাহাৰ। আৰক্ষীয়ে এই এজাহাৰৰ ভিত্তিতে ঘটনা সন্দৰ্ভত তদন্ত আৰম্ভ কৰিছে।

Also Read: আকৰ্ষণীয় হৈছে বিহালীৰ নিৰ্বাচনী যুঁজঃ গৌৰৱৰ মুখত স্মাৰ্ট মিটাৰ, ৰামায়ণৰ প্ৰসংগ...