![৪দিন ধৰি সন্ধানহীন টিংখাঙৰ ৮বছৰীয়া উমেশ...](http://media.assettype.com/asomiyapratidin%2F2024-05%2F502a967e-74f2-4aaa-8ada-0e3184755d4f%2F3.jpg?w=480&auto=format%2Ccompress&fit=max)
ডিজিটেল ডেস্কঃ টিংখাং সমষ্টিৰ দুই নং বামুনপুখুৰী গাঁৱৰ মণ্টু ঘটোৱাৰ আৰু সুনিতা ঘাটোৱাৰৰ পুত্ৰ উমেশ ঘাটোৱাৰ (৮) যোৱা ১২ মে'ৰ পৰা সন্ধানহীন হৈ আছে । ১২ মে'ৰ সন্ধিয়া সমনীয়াৰ সৈতে বামুনপুখুৰীত অনুষ্ঠিত হোৱা সাংস্কৃতিক অনুষ্ঠান চাবলৈ গৈছিল। তেতিয়াৰে পৰা সন্ধান নাই নপাম ঘুগুলনি প্ৰাথমিক বিদ্যালয়ৰ তৃতীয় শ্ৰেণীৰ ছাত্ৰ উমেশ ঘাটোৱাৰ ।
পৰিয়ালৰ লোকে বিভিন্ন স্থানত বিচাৰ-খুচাৰ কৰে যদিও বৰ্তমানলৈকে ছাত্ৰজনৰ সন্ধান লাভ কৰিবলৈ সক্ষম হোৱা নাই । ১২ মে'ৰ দিনা এজন অচিনাকি লোকৰ সৈতে ঘূৰি ফুৰা প্ৰত্যক্ষ কৰিছিল পৰিয়ালৰ লোকে। উমেশক প্ৰলোভন অথবা অপহৰণ কৰি লৈ গৈছে বুলি পৰিয়ালৰ লোকে সন্দেহ প্ৰকাশ কৰিছে।