![ৰঙিয়াত লোকসভা নিৰ্বাচনৰ ভোট গণনাৰে জড়িত বিষয়া-কৰ্মচাৰীৰ প্ৰশিক্ষণ সামৰণি](http://media.assettype.com/asomiyapratidin%2F2024-06%2Fcbb23159-fb7e-45af-861c-87da237bbd95%2F339.jpg?w=480&auto=format%2Ccompress&fit=max)
ডিজিটেল সংবাদ,ৰঙিয়া : ৪নং দৰং ওদালগুৰি লোকসভা সমষ্টিৰ অন্তৰ্গত ৰঙিয়া-কমলপুৰ সমষ্টিৰ ৪ জুনত হ'বলগীয়া ভোটগণনা প্ৰক্ৰিয়া নিয়াৰিকৈ সম্পন্ন কৰাৰ বাবে ভোটগণনাৰ কামত নিয়োজিত বিষয়া-কৰ্মচাৰীসকলৰ শনিবাৰে দ্বিতীয় পৰ্যায়ৰ প্ৰশিক্ষণ সামৰণি পৰে । প্ৰশিক্ষণৰ সময়ত উপস্থিত থাকি মহকুমাধিপতি দেৱাশীষ গোস্বামীয়ে ভোটগণনা প্ৰক্ৰিয়া নিয়াৰিকৈ সম্পন্ন কৰাৰ বাবে প্ৰয়োজনীয় বিভিন্ন বিষয়ৰ ওপৰত বক্তব্য আগবঢ়ায় ।
তদুপৰি নিৰ্বাচনী বিষয়াগৰাকীয়ে ভোটগণনাৰ বিভিন্ন বিধি আদিৰ বিষয়ে প্ৰশিক্ষণ গ্ৰহণকাৰীসকলক অৱগত কৰে। লগতে তেওঁলোকৰ বিভিন্ন প্ৰশ্নৰ উত্তৰ দিয়ে । ইফালে প্ৰশিক্ষণৰ সময়ত মাষ্টাৰ ট্ৰেইনাৰ হিচাপে উপস্থিত থকা মনোজ কুমাৰ সিনহাই পাৱাৰপইন্ট প্ৰেজেনটেশ্বনৰ জৰিয়তে কাউন্টিং চুপাৰভাইজাৰ,কাউন্টিং এছিছটেন্ট আৰু মাইক্ৰ অবজাৰভাৰৰ লগতে বিষয়া -কৰ্মচাৰীসকলক প্ৰশিক্ষণ দিয়ে ।
মহকুমাধিপতি কাৰ্যালয়ত অনুষ্ঠিত হোৱা প্ৰশিক্ষণ কাৰ্যসূচীত ১২০ গৰাকী বিষয়া- কৰ্মচাৰীয়ে অংশগ্ৰহণ কৰে । এই প্ৰশিক্ষণত মহকুমাধিপতি দেৱাশীষ গোস্বামী,নিৰ্বাচনী বিষয়া নীলহৰিৎ কৌশিক, কমলপুৰৰ চক্ৰ বিষয়া বিক্ৰমজিৎ বৰা, ইভিএম নিৰীক্ষক অৰ্পিতা দত্ত মজুমদাৰ, সহকাৰী আয়ুক্ত কৃতাঞ্জলী কাশ্যপ, জিলি ঠাওচেন উপস্থিত থাকে।
ইয়াৰোপৰি ৰঙিয়া মহাবিদ্যালয়ৰ সহযোগী অধ্যাপক মনোজ কুমাৰ সিনহা, সহকাৰী অধ্যাপক বিমল দাসৰ লগতে মহকুমা প্ৰশাসনৰ বিষয়া-কৰ্মচাৰীসকল উপস্থিত থাকে ।