পানীৰ সংকটত সমগ্ৰ মধ্য অসমঃ ভেকুলীৰ বিয়া পাতিছে ৰাইজে...

ডিজিটেল সংবাদ, কঠীয়াতলীঃ পানীৰ সংকটত সমগ্ৰ মধ্য অসম ৷ জান জুৰি নৈ খাল বিল আদি শুকাই যোৱাৰ ফলত এতিয়া এটুপি খোৱা পানীৰ বাবেও হাহাকাৰ কৰিব লগা হৈছে মধ্য অসমৰ জনতাই ৷ বিশেষকৈ বানপীডিত অঞ্চল হিচাপে পৰিগণিত হোৱা কঠিয়াতলীৰ বিভিন্ন অঞ্চলত কৰা বৰো ধানৰ খেতিত মেলিছে বৃহৎ বৃহৎ ফাঁট ৷

যাৰ বাবে এতিয়া ৰাইজে আশ্ৰয় লৈছে নেদেখা জনৰ ওচৰত ৷ কঠিয়াতলী নামবৰ লালুংগাঁৱৰ ৰাইজে পৰম্পৰাগত নিয়ম অনুসৰি অনুষ্ঠিত কৰিছে ভেকুলী বিয়া ৷ আয়তীৰ উৰুলি আৰু বিয়া নামত মুখৰিত হয় বিবাহস্থলী ৷

স্থানীয় মহিলা সকলে নিয়ম অনুসৰি ভেকুলী নুৱাই ধোৱাই বিবাহ সম্পন্ন কৰিলে বৰুণ দেৱতা সন্তুষ্ট হয় বুলি বিস্বাস কৰি আহিছে ৷ যাৰ বাবে গাঁওখনৰ শিশুৰ পৰা বৃদ্ধ বনিতালৈ সকলো ওলাই আহি নাচি বাগি ভেকুলী বিয়া অনুষ্ঠিত কৰি নেদেখাজনৰ ওচৰত শৰনাপন্ন হয় এজাক বৰষুনৰ বাবে ৷