বঢ়মপুৰত বনৰীয়া হাতীৰ সন্ত্ৰাস: বৰটোপত বাসগৃহ ভাঙি লণ্ডভণ্ড

ডিজিটেল সংবাদ, বঢ়মপুৰ : নগাঁও জিলাৰ বঢ়মপুৰ সমষ্টিত বিগত কিছুদিন ধৰি বনৰীয়া হাতীয়ে সন্ত্ৰাস চলাই অহাৰ মাজতে শনিবাৰে নিশা বঢ়মপুৰৰ মাজমজিয়াত থকা বৰটোপ , শিৱস্থান , বঢ়মপুৰ তিনিআলি আদি অঞ্চলত উপদ্ৰৱ চলায় । জানিব পৰা মতে , বন্যহস্তীৰ জাকৰ পৰা ফালৰি কাটি অহা এটা প্ৰকাণ্ড হাতীয়ে যোৱানিশা বৰটোপ অঞ্চলৰ ৰেখা বৰাৰ বাসগৃহ ভাঙি তচনচ কৰাৰ লগতে অঞ্চলটোৰ বিভিন্নজনৰ সাচি থোৱা ধান , বাৰীৰ কলগছ আদি খাই অনিষ্ট সাধন কৰে ।

উল্লেখ্য যে , বনৰীয়া হাতীটোৱে পুৱতি নিশালৈকে অঞ্চলবোৰত সন্ত্ৰাস চলাই ৰাইজৰ মাজত আতংকৰ সৃষ্টি কৰি ৰাখে । বনবিভাগৰ লোক বৰ্তমানলৈকে অঞ্চলটোত উপস্থিত হোৱা নাই বুলি স্থানীয় ৰাইজে জানিবলৈ দিছে ।

Also Read: ৰাষ্ট্ৰীয় যুৱ মহোৎসৱত অসমক প্ৰতিনিধিত্ব কৰিব দীপাংকৰ ওজাই