ক্ষুদ্ৰ চহৰসমূহত মিউচুৱেল ফাণ্ড খণ্ডত বৃদ্ধি পাইছে বিনিয়োগ...

ডিজিটেল ডেস্কঃ ভাৰতৰ মিউচুৱেল ফাণ্ড উদ্যোগত বৃহৎ পৰিবৰ্তন পৰিলক্ষিত হৈছে। বিশেষকৈ ক্ষুদ্ৰ চহৰসমূহত যিসমূহক 'Beyond 30' বা বি-৩০ বুলি কোৱা হয় সেই চহৰসমূহত এই পৰিবৰ্তন চকুত লগাকৈ বৃদ্ধি পাইছে।

এই চহৰসমূহত বিনিয়োগ দ্ৰুততাৰে বৃদ্ধি হৈছে। ইয়াৰোপৰি দিল্লী, মুম্বাই, পুনে, বেংগালুৰু, কলকাতা আৰু লক্ষ্ণৌৰ দৰে ডাঙৰ চহৰসমূহতো যাক টি-৩০ চহৰ বুলি কোৱা হয় তাতো বিনিয়োগ অব্যাহত আছে।

শেহতীয়াকৈ 'এম এফ কৰ্ণাৰ উইথ সঞ্চিতা মুখাৰ্জী' শীৰ্ষক এক অনুষ্ঠানত, 'টক দ্য ৱাক'ৰ মেনেজিং পাৰ্টনাৰ সঞ্চিতা মুখাৰ্জী আৰু CFP-RIA, ফুল চাৰ্কল ফিন প্লেনাৰ্ছ এণ্ড এডভাইজাৰ কালপেছ আশাৰে সৰু চহৰবোৰত মিউচুৱেল ফাণ্ডৰ আগ্ৰহ বৃদ্ধি কৰাৰ সন্দৰ্ভত আলোচনা কৰে।

তেওঁলোকে কয় বি-৩০ চহৰসমূহত মিউচুৱেল ফাণ্ডৰ বিনিয়োগ বৃদ্ধি পাইছে। যি টি-৩০ চহৰসমূহক অতিক্ৰম কৰিব পাৰে।

সাধাৰণতে, টি-৩০ চহৰবোৰত মিউচুৱেল ফাণ্ডৰ মুঠ সম্পত্তিৰ ৭৫ ৰ পৰা ৮০ শতাংশ থাকে। কিয়নো এই চহৰবোৰে বিত্তীয় বজাৰ আৰু উচ্চ বিত্তীয় সজাগতা উন্নতি কৰিছে। অৱশ্যে, ছেপ্টেম্বৰ ২০২৪ লৈকে, বি-৩০ চহৰসমূহৰ মিউচুৱেল ফাণ্ড উদ্যোগত অৱদান দ্ৰুতগতিত বৃদ্ধি পাইছে।

মুখাৰ্জীয়ে জনাইছে বি-৩০ চহৰসমূহত AUM প্ৰতি বছৰে দুগুণ হাৰত বৃদ্ধি হৈছে। যি টি-৩০ চহৰসমূহৰ তুলনাত দ্ৰুততৰ। ইয়াৰ আঁৰত আছে আৰ্থিক সচেতনতা আৰু উন্নত বিতৰণ চেনেলৰ ভূমিকা।

ছিকিউৰিটিজ এণ্ড এক্সেছেঞ্জ বোৰ্ড অফ ইণ্ডিয়া (SEBI)-এ বি-৩০ চহৰসমূহত মিউচুৱেল ফাণ্ডৰ আঁচনি প্ৰচাৰৰ বাবে উদ্যোগ গ্ৰহণ কৰিছে। যিয়ে এই অঞ্চলসমূহত বিনিয়োগকাৰী বৃদ্ধিত সহায় কৰিছে।

২০২৪ চনৰ ছেপ্টেম্বৰ মাহত বি-৩০ চহৰসমূহত মুঠ মিউচুৱেল ফাণ্ড সম্পত্তি আছিল ১৯ শতাংশ। যি বিগত বছৰৰ তুলনাত বৃদ্ধি পাইছে। 

২০২৪ ৰ আগষ্ট পৰ্যন্ত এই চহৰসমূহত AUM ৮.৩৮ লাখ কোটিৰ পৰা ১২.৫৯ লাখ কোটি পৰ্যন্ত বৃদ্ধি পাইছে। এই বৃদ্ধি প্ৰধানত ইকুউইটি ভিত্তিক মিউচুৱেল ফাণ্ড আঁচনিৰ প্ৰতি আগ্ৰহ বৃদ্ধিৰ বাবে সম্ভৱ হৈছে।

সঞ্চিতা মুখাৰ্জীয়ে পুনৰ কয়, বি-৩০ চহৰসমূহত আৰ্থিক সচেতনতা আৰু শিক্ষাৰ কাম অধিক বৃদ্ধি কৰিব লাগিব। এই অঞ্চলসমূহত বিনিয়োগকাৰীৰ সংখ্যা তুলনামূলকভাৱে কম। কিন্তু এই চহৰসমূহত বিনিয়োগ আৰু অধিক বৃদ্ধিৰ সম্ভাৱনা আছে।

সঞ্চিতা মুখাৰ্জীৰ সৈতে সহমত প্ৰকাশ কৰিছে কালপেছ আশাৰেও। তেওঁ কয় সৰু চহৰসমূহত বিনিয়োগকাৰীসকলক শিক্ষিত আৰু ইয়াৰ সৈতে সংযোগ স্থাপন কৰালে মিউচুৱেল ফাণ্ড উদ্যোগ ভৱিষ্যতে আৰু অধিক প্ৰসাৰিত হোৱাৰ সম্ভাৱনা আছে।