ডিজিটেল সংবাদ, ডবকাঃ বৃহস্পতিবাৰে নিশা ডবকা আৰক্ষীয়ে নগাওঁ চামগুৰিত অভিযান চলায় চুৰি হোৱা এখন পালছাৰ সহ এজন চোৰক গ্ৰেপ্তাৰ কৰে৷ যোৱা ৩১ ডিচেম্বৰৰ আবেলি ডবকা চহৰৰ বড় মছজিদৰ সন্মুখৰ পৰা চামচুদ্দিন নামৰ এজন যুৱকৰ এখন পালছাৰ বাইক চুৰি হৈছিল৷ চুৰি হোৱা বাইকখনৰ নম্বৰ এএছ-০২এএ-৭৫৮০৷ লগে লগে চামচুদ্দিনে ডবকা আৰক্ষী থানাত বাইক চুৰি হোৱা সন্দৰ্ভত এটি গোচৰ তৰিছিল৷
ডবকা আৰক্ষীয়ে এটি গোচৰ পঞ্জীয়ন কৰি তদন্ত অৱ্যাহত ৰাখিছিল৷ বৃহস্পতিবাৰে নিশা এক গোপন তথ্যৰ ভিত্তিত ডবকা আৰক্ষীয়ে নগাঁৱৰ চামগুৰিত অভিযান চলাই চুৰি হোৱা বাইকখনৰ লগতে এজন চোৰক গ্ৰেপ্তাৰ কৰে৷ ধৃত চোৰটোৰ নাম চমিৰ আলী।
ঘৰ ডবকা আৰক্ষী থানাৰ অন্তৰ্গত কৰৈগুৰী গাঁৱত৷ চোৰটো বেছিভাগ সময় নাগালেণ্ডৰ ডিমাপুৰত থকা বুলি জানিব পৰা হৈছে৷ ইতিমধ্যে ডবকা আৰক্ষীয়ে আৰু অধিক তথ্যৰ বাবে চোৰটোক মাৰাথান জেৰা অব্যাহত ৰাখিছে৷