মৰিধল মহাবিদ্যালয়ত ৰাষ্ট্ৰীয় পৰ্য্যায়ৰ আলোচনাসত্ৰ আৰম্ভ...

ডিজিটেল সংবাদ ধেমাজিঃ ধেমাজি জিলাৰ অগ্ৰণী শিক্ষানুষ্ঠান মৰিধল মহাবিদ্যালয়ত ভাৰতীয় সমাজ বিজ্ঞান গৱেষণা পৰিষদৰ আৰ্থিক সাহায্যৰে শুকুৰবাৰৰ পৰা দুদিনীয়াকৈ ৰাষ্ট্ৰীয় পৰ্য্যায়ৰ আলোচনাসত্ৰ আৰম্ভ হৈছে ৷ শুকুৰবাৰে প্ৰথম দিনা গুৱাহাটী বিশ্ববিদ্যালয়ৰ ৰাজনীতি বিজ্ঞান বিভাগৰ প্ৰাধ্যাপক অখিল ৰঞ্জন দত্তই ভাষণ প্রদান কৰা আলোচনা সত্ৰত আদৰণি ভাষন আগবঢ়াই মৰিধল মহাবিদ্যালয়ৰ অধ্যক্ষ ড০ দিপেন শ‍ইকীয়াই ৷

“ উত্তৰ পূৰ্ব ভাৰতৰ প্ৰাসংগিকতাৰে এক বিংশ শতিকাত লিংগ" শীৰ্ষক আলোচনা সত্ৰত সমলবক্তি হিচাপে ডিব্ৰুগড় বিশ্ববিদ্যালয়ৰ ৰাজনীতি বিজ্ঞান বিভাগৰ সহযোগী অধ্যাপক ড° দিব্যজ্যোতি দত্ত , দার্জিলিংস্হিত চেইন্ট যোচেফ কলেজৰ সহযোগী অধ্যাপক ড° পদম নেপাল আৰু ৰাজীৱ গান্ধী বিশ্ববিদ্যালয়ৰ সহযোগী অধ্যাপক মিঞাজি হাজমে উপস্হিত থকা আলোচনাসত্ৰত সৰ্ব্বমুঠ ৫০ খন গৱেষণা পত্ৰ পাঠ কৰে ।

অৰুণাচল প্ৰদেশ ,পশ্চিম বংগ তথা অসমৰ বিভিন্ন বিশ্ববিদ্যালয়, মহাবিদ্যালয় পৰা মুঠ ১৫৮ জন গৱেষক তথা শিক্ষকে অংশগ্ৰহণ কৰে ৷ উল্লেখযোগ্য যে, এই অনুষ্ঠানতে মৰিধল মহাবিদ্যালয়ৰ সহযোগী অধ্যাপিকা ড° বেবীমণি গগৈৰ এখনি গৱেষণামূলক গ্রন্হ "অসমত তিৱা জনগোষ্ঠীৰ সমাজ আৰু সংস্কৃতি" উন্মোচন কৰে গুৱাহাটী বিশ্ববিদ্যালয়ৰ প্ৰাধ্যপক অখিল ৰঞ্জন দত্তই ৷

মৰিধল মহাবিদ্যালয়ৰ সহযোগী অধ্যাপিকা ক্ৰমে ড° সুৰভী গোহাঁই দুৱৰা ,ধৈৰ্য্যজ্যোতি পাটোৱাৰী আৰু হিৰণ্য গগৈয়ে সম্পাদনা কৰা অ'পেন হৰিজন (open Horizon) নামৰ গ্ৰন্থখন উন্মোচন কৰে চেইন্ট যোচেফ কলেজৰ ৰাজনীতি বিজ্ঞান বিভাগৰ সহযোগী অধ্যাপক ড° পদম নেপালে ৷ দুয়োখন গ্ৰন্থ মৰিধল মহাবিদ্যালয়ৰ প্ৰকাশন কোষৰ পৰা প্ৰকাশ কৰা হয় ৷

আজি শেষৰ দিনা পুৱা ১০ বজাৰ পৰা গৱেষনা পত্ৰ পাঠেৰে কাৰ্য্যসূচী আৰম্ভ হ'ব ৷ ইয়াৰ পিছতেই আলোচনাসত্ৰত সমল ব্যক্তি হিচাপে অংশগ্ৰহণ কৰিব ডিব্ৰুগড় বিশ্ববিদ্যালয়ৰ ৰাজনীতি বিজ্ঞান বিভাগৰ প্ৰাধ্যপক ডলি ফুকন ,ইতিহাস বিভাগৰ প্ৰাধ্যপক চন্দন শৰ্মা আৰু ইংৰাজী বিভাগৰ প্ৰাধ্যপক মৃদুল বৰদলৈয়ে ৷

Also Read: মঙলদৈৰ মোৱামাৰীত উত্তপ্ত পৰিস্থিতিঃ ব্যৱসায়ীয়ে শূন্যলৈ গুলী চলাই ৰক্ষা কৰিলে প্ৰাণ...