ডিজিটেল ডেস্কঃ NEET-UG ৰ পৰীক্ষাৰ কেলেংকাৰীৰ উপৰিও প্ৰশ্ন কাকত ফাদিলক লৈ দেশজুৰি অব্যাহত থকা বিতৰ্কৰ মাজতে ঘোষণা হ'ল NEET-PG ৰ পৰীক্ষাৰ দিন। নেচনেল ব'ৰ্ড অফ এগজামিনেচন ইন মেডিকেল সাইন্স চমুকৈ NBEMS য়ে জাৰি কৰিলে নতুন তাৰিখ সন্দৰ্ভত নিৰ্দেশনা।
আজি NBEMS ৰ ৱেবছাইটত আপলোড কৰা এক নিৰ্দেশনা অনুসৰি ১১ আগষ্টত দুটা পৰ্যায়ত অনুষ্ঠিত হ'ব এই পৰীক্ষা। পূৰ্বে ২৩ জুনত এই পৰীক্ষা অনুষ্ঠিত হোৱাৰ কথা আছিল। এই সময়ছোৱাত NEET-UG ৰ কেলেংকাৰীক লৈ দেশ উত্তাল হৈ থকাৰ বাবে ২২ জুনত NEET-PG ৰো পৰীক্ষা স্থগিত ৰখাৰ সিদ্ধান্ত গ্ৰহণ কৰা হৈছিল।
