গীনিজ ৱৰ্ল্ড ৰেকৰ্ডত নাম অন্তৰ্ভুক্ত হ'ল অভিনেতা অক্ষয় কুমাৰৰ

ডিজিটেল ডেস্কঃ গীনিজ ৱৰ্ল্ড ৰেকৰ্ডত নাম অন্তৰ্ভুক্ত হ'ল অভিনেতা অক্ষয় কুমাৰৰ। অভিনেতাগৰাকীয়ে অনুৰাগীৰে ছেলফি তুলি এই অভিলেখ গঢ়িলে।

অনুৰাগীৰ সৈতে মাত্ৰ ৩ মিনিটতে ১৮৪ খন ছেলফি উঠে অভিনেতা অক্ষয় কুমাৰে। উল্লেখ্য যে বুধবাৰে অক্ষয় কুমাৰসহ আন আন কলা-কুশলীসকল মুক্তি পাবলগীয়া 'ছেলফী' শীৰ্ষক ছবিখনৰ প্ৰচাৰৰ বাবে এক অনুষ্ঠানত ভাগ লৈছিল।

উক্ত অনুষ্ঠানতে অনুৰাগীসকলৰ লগত মাত্ৰ ৩ মিনিটতে ১৮৪খন ছেলফি উঠি গীনিজ ৱৰ্ল্ড ৰেকৰ্ডত নিজৰ নাম অন্তৰ্ভুক্ত কৰিবলৈ সক্ষম হয়। এই কৃতিত্বৰ বাবে অভিনেতাগৰাকীয়ে তেওঁৰ অনুৰাগীসকলক কৃতজ্ঞতা জ্ঞাপন কৰে।

Also Read: গুৱাহাটী যুটীয়া আৰক্ষী আয়ুক্ত পাৰ্থ সাৰথি মহন্তক বদলি, দিলে নতুন দায়িত্ব...