এতিয়া কি হ’ব অৰ্চনা পুৰাণ সিঙৰ ?

ডিজিটেল ডেস্ক: অনুৰাগীৰ বাবে ভাল খবৰ। টেলিভিছনৰ পৰ্দালৈ উভতিল নৱজ্যোত সিং সিদ্ধু।হয়, কমেডিয়ান কপিল শৰ্মাৰ খুবেই জনপ্ৰিয় কমেডি শ্ব 'দ্য কপিল শৰ্মা শ্ব'ৰ বাবে জনাজাত নৱজ্যোত সিং সিদ্ধুৱে পুনৰ অনুষ্ঠানটোৰ সেই বিশেষ চকীখনৰ শোভা বৰ্ধন কৰিব।

প্ৰকৃততে, প্ৰাক্তন ক্ৰিকেটাৰ নৱজ্যোত সিং সিদ্ধু ২০১৯চনত 'দ্য কপিল শৰ্মা শ্ব'ৰ পৰা আঁতৰ গৈছিল। পুলৱামা সন্ত্ৰাসবাদী আক্ৰমণৰ বিষয়ে দিয়া বিবৃতিৰ পিছত সিদ্ধুক কপিলৰ অনুষ্ঠানৰ পৰা আঁতৰাই দিয়া হৈছিল। তেতিয়াৰ পৰা 'দ্য কপিল শৰ্মা শ্ব' অনুষ্ঠানৰ সেই বিশেষ চকীখনত বহিছিল প্ৰখ্যাত অভিনেত্ৰী অৰ্চনা পুৰাণ সিং।

অৱশ্যে, এই বিষয়ে বৰ্তমানলৈ আনুষ্ঠানিকভাৱে কোনা বিবৃতি প্ৰকাশ হোৱা নাই।এটা ভাইৰেল ভিডিঅ'ৰ জৰিয়তেহে এই বিষয়ে অনুমান কৰিছে অনুৰাগীসকলে।এই ভাইৰেল ভিডিঅ'টোত নৱজ্যোত সিং সিদ্ধুক অৰ্চনা পুৰাণ সিঙৰ চকীখনত বহি থকা দেখা গৈছে। তেওঁ অনুষ্ঠানটোলৈ প্ৰৱেশ কৰাৰ লগে লগে দৰ্শকসকল আনন্দত জঁপিয়াই উঠে। ভিডিঅ'টোত দেখা পোৱা মতে, নৱজ্যোত সিং সিদ্ধুক চকুৰ সন্মুখত বহি থকা দেখি কপিল শৰ্মাই বিশ্বাস কৰিব পৰা নাছিল।তেতিয়া প্ৰাক্তন ক্ৰিকেটাৰজনে তেওঁক কয়, 'সাৱধানে চাওক মই নৱজ্যোত সিং সিদ্ধু।' ইয়াৰ পিছত অৰ্চনা পুৰাণ সিঙে দৌৰি আহি কপিলক কয়,'সেই চৰ্দাৰ চাহেবক মোৰ চকীৰ পৰা উঠিবলৈ কওঁক, তেওঁ মোৰ চকী দখল কৰি বহিছে। ইয়াৰ পিছত হৰভজন সিং অনুষ্ঠানটোত উপস্থিত হয়। তেওঁ কয়, 'পৃথিৱীয়ে যিয়েই নকওঁক কিয়, কাৰো কথাত কোনেও মূৰ্খ নহয়, চকীখনত বহিলেই কোনো সিদ্ধু নহয়।' ইয়াৰ পিছত নৱজ্যোত সিং সিদ্ধুৱে হৰভজনক আলিঙ্গন কৰে।এই ভাইৰেল ভিডিঅ’ দেখি অনুৰাগী সিদ্ধুজীৰ বাবে সুখী হৈছে ঠিকেই, কিন্তু এতিয়া অৰ্চনা পুৰাণ সিঙৰ কি হ’ব সেই বিষয়েও চিন্তিত হৈছে অনুৰাগীসকল।

Also Read: ‘হটনেছ এলাৰ্ট’ৰ আঁৰৰ ব্যক্তিজনক আপুনিও জানি লওঁক