‘হটনেছ এলাৰ্ট’ৰ আঁৰৰ ব্যক্তিজনক আপুনিও জানি লওঁক

ডিজিটেল ডেস্ক: ফটোখনৰ অভিনেতাজনক চিনি পোৱাত আপোনাৰ হয়তো অসুবিধা হৈছে !  হোৱাটো স্বাভাৱিক।কিয়নো সম্পূৰ্ণ নতুন ৰূপ লৈছে বলীউডৰ এইগৰাকী জনপ্ৰিয় অভিনেতাই। হয়, এইজন সকলোৰে প্ৰিয় ছুপাৰষ্টাৰ ৰণবীৰ কাপুৰ।

বহু চৰ্চিত ছবি ‘ধুম ৪’ত দৰ্শকসকলে ৰণবীৰক এই ৰূপত দেখিবলৈ পাব।অভিনেতাজনৰ নতুন ৰূপৰ এই ফটোখন চেলিব্ৰিটি হেয়াৰ ষ্টাইলিষ্ট আলিম হাকিমে ছচিয়েল মেডিয়াত শ্বেয়াৰ কৰিছে। আলিম হাকিমে ফটোখনৰ কেপশ্যন দিছে ‘হটনেছ এলাৰ্ট!!’। ৰণবীৰক ফটোখনত চুটি আৰু স্লিক চুলি, পাতল দাড়িৰ সৈতে ক'লা চাৰ্ট আৰু ক'লা ছানগ্লাছ পিন্ধা দেখা গৈছে।

উল্লেখ্য যে, বলীউডৰ অন্যতম বৃহৎ ফ্ৰেঞ্চাইজি ধুমত মুখ্য চৰিত্ৰত অভিনয় কৰিব ৰণবীৰ কাপুৰে। আদিত্য চোপ্ৰাৰ যশ ৰাজ ফিল্মছৰ দ্বাৰা নিৰ্মাণ হ'বলগীয়া ‘ধুম ৪’ত পূৰ্বৰ ধুমৰ কোনো অভিনেতা-অভিনেত্ৰীয়ে অভিনয় নকৰে।সেয়েহে এই ছবিখনক লৈ দৰ্শকৰ উৎসুকতা স্বাভাৱিকতা দুগুণে বৃদ্ধি হৈছে।

Also Read: Alia Bhatt: আপোনাৰ-মোৰ দৰেই আলিয়া ভাটৰো প্ৰিয় দালি-ভাত