উৰ্ফীৰ বিশেষ সাজ-পাৰ চাবলৈ সাজু হওঁক

ডিজিটেল ডেস্ক: বৰ্তমান সময়ত ছ’ছিয়েল মেডিয়া তোলপাৰ লগাই থকা এগৰাকী অন্যতম চৰ্চিত ‘চেলিব্ৰেটী’ উৰ্ফী জাভেদ।উৰ্ফীয়ে প্ৰতিদিনে অদ্ভুত কাপোৰ পিন্ধি অনুৰাগীসকলৰ বাবে ছ’ছিয়েল মেডিয়াত আপলোড কৰে ইখনৰ পিছত সিখন মনোমোহা ফটো।সাজ-পাৰৰ সমান্তৰালকৈ স্পষ্ট মন্তব্যৰ বাবেও সদায় শিৰোনামত থাকে এইগৰাকী মডেল তথা অভিনত্ৰী।পিছে এইবাৰ আন এক কাৰণতহে উৰ্ফীৰ নাম চৰ্চালৈ আহিছে।হয়, খবৰ অনুসৰি উৰ্ফীক অতি শীঘ্ৰেই ৰোহিত ছেট্টীৰ অন্যতম সফল টেলিভিছন শ্ব’ 'খতৰো কে খিলাড়ী-১৩'ত দৰ্শকে দেখিবলৈ পাব।

শেহতীয়াকৈ উৰ্ফীক আন এক জনপ্ৰিয় টেলিভিছন শ্ব 'স্পিটচ ভিলা'ত দেখিবলৈ পোৱা গৈছিল। এই শ্ব’ত অংশ গ্ৰহণ কৰি অভিনেত্ৰীগৰাকীয়ে একপ্ৰকাৰ আলোড়নৰ সৃষ্টি কৰিছিল।সেয়ে 'খতৰো কে খিলাড়ী-১৩' উৰ্ফীৰ অংশ গ্ৰহণৰ খবৰে স্বাভাৱিকভাৱেই অনুৰাগীসকলৰ মনত অস্বাভাৱিক সুখ দিছে। খবৰ মতে, 'খতৰো কে খিলাড়ী-১৩'ৰ নিৰ্মাতাসকলে অভিনেত্ৰীগৰাকীৰ সৈতে ইতিমধ্যে যোগাযোগ কৰিছে আৰু উৰ্ফীও ইয়াৰ বাবে সন্মত হৈছে। যদি সকলো ঠিকে থাকে, উৰ্ফীয়ে শীঘ্ৰেই ৰোহিত ছেট্টীৰ সৈতে ‘খতৰো কে খিলাড়ী-১৩’ৰ শ্বুটিং কৰিবলৈ দক্ষিণ আফ্ৰিকালৈ উৰা মাৰিব।

আনহাতে, ‘বিগ বছ-১৬’ৰ অন্যতম জনপ্ৰিয় প্ৰতিযোগী শিৱ ঠাকৰে আৰু অৰ্চনা গৌতমেও 'খতৰো কে খিলাড়ী-১৩'ত অংশ গ্ৰহণ কৰিব।এইসকলৰ উপৰিও মুনাৱাৰ ফাৰুৰী, ছুম্বুল তৌকীৰ খান আৰু নকুল মেহতাৰ নামো এই শ্ব’ত অংশ গ্ৰহণৰ বাবে উচ্চাৰিত হৈ আছে।

Also Read: ৰণবীৰৰ লগত বিয়া হ’বলৈ মন নাছিল দীপিকা পাডুকনৰ