ডিজিটেল সংবাদ, গুৱাহাটীঃ গুৱাহাটীৰ প্ৰেছ ক্লাবৰ প্ৰেক্ষাগৃহত এক আড়ম্বৰপূৰ্ণ অনুষ্ঠানত উন্মোচিত কৰা হয় ষান্মাসিক সাংস্কৃতিক আলোচনী "দাপোন"। সমাজৰত্ন দিনমণি ভাণ্ডাৰ কায়স্থ মুখ্য সম্পাদক আৰু জ্যেষ্ঠ সাংবাদিক তথা সাংস্কৃতিক কৰ্মী মনোৰঞ্জন কলিতাৰ সম্পাদনাৰে "দাপোন" উন্মোচন কৰে বিশিষ্ট অভিনেত্ৰী মৃদুলা বৰুৱাই।
বৰ্তমান পাঠকৰ মাজত হেৰাই যোৱা গ্ৰন্থৰ মাদকতা, ডিজিটেল মাধ্যমে গ্ৰাস কৰা ছপা মাধ্যমৰ জনপ্ৰিয়তা আদি প্ৰত্যাহ্বানক নেওচি পাঠকৰ বাবে মুকলি কৰা হয় "দাপোন"। অনুষ্ঠানত সুকণ্ঠী গায়িকা তৰালী শৰ্মা, অভিনেতা যতীন বৰাইও অংশগ্ৰহণ কৰে। অসমৰ পাঠক সমাজে "দাপোন" নামৰ গ্ৰন্থখনি আদৰি ল'ব বুলি আশাবাদী মুখ্য সম্পাদক দিনমনি ভাণ্ডাৰ কায়স্থ।
