বশিষ্টৰ ঘটনাৰে জড়িত আৰক্ষীক নিলম্বনৰ নিৰ্দেশ আৰক্ষী সঞ্চালক প্ৰধান জি পি সিঙৰ।
উল্লেখ কৰা প্ৰয়োজন যে গুৱাহাটীত মানসিক বিকাৰগ্ৰস্থ এজন লোকক প্ৰহাৰ কৰিছিল আৰক্ষীৰ এটা দলে।
নিজৰ এক্স হেণ্ডলৰ দ্বাৰা নিলম্বনৰ কথা ৰাজহুৱা কৰিছে জি পি সিঙে।
সাধাৰণ লোকৰ ওপৰত চলা নিৰ্যাতন সন্দৰ্ভত টুইট কৰে আৰক্ষী সঞ্চালক প্ৰধানগৰাকীয়ে।
গুৱাহাটী আৰু তিনিচুকীয়াত সংঘটিত ঘটনাক লৈ টুইট কৰে তেঁও।
নিলম্বন কৰা হ’ব উক্ত ঘটনাৰে জড়িত আৰক্ষী কৰ্মীক।
ঘটনাৰে জড়িত আৰক্ষীৰ ওপৰত লোৱা হ’ব আইনী আৰু বিভাগীয় ব্যৱস্থা।
অসামৰিক লোকৰ ওপৰত চলা নিৰ্যাতন কেতিয়াও ক্ষমা কৰা নহ’ব বুলিও উল্লেখ কৰে।
এই ক্ষেত্রত অসম আৰক্ষীৰ মুখ্য কাৰ্যালয়ৰ পৰা লোৱা হ’ব ব্যৱস্থা।
এক্স হেণ্ডলযোগে জি পি সিঙে লগতে কয়- আৰক্ষী হিচাপে আমি সকলো পৰিস্থিতিতে ধৰ্য-সংযম অটুট ৰাখিব লাগিব।
