উত্তৰ-পূববাসী লৈ সুখবৰঃ বন্দে ভাৰত এক্সপ্রেছৰ মুকলি...

ডিজিটেল ডেস্কঃ উত্তৰ-পূবত যাতায়তৰ ক্ষেত্ৰত নতুন সংযোজন । আজিৰে পৰা গুৱাহাটী আৰু নিউ জলপাইগুৰিৰ মাজত আৰম্ভ হ’ল "বন্দে ভাৰত এক্সপ্রেছ"। সোমবাৰে প্রধানমন্ত্রী নৰেন্দ্র মোডীয়ে দিনৰ ১২ বজাত ভিডিঅ' কনফাৰেন্সৰ জৰিয়তে শুভাৰম্ভ কৰিলে ‘বন্দে ভাৰত এক্সপ্রেছ’ৰ ।

গুৱাহাটী-নিউ জলপাইগুৰিৰ মাজত চলাচল কৰিব লগীয়া এই ৰে'লখনৰ বেগ ৰাজধানী এক্সপেছত অধিক হ'ব । ৰে'লখন ঘন্টাত গতিবেগ প্ৰায় ১১০ কি:মি:। সপ্তাহত ৬ দিন চলিব লগীয়া এই ৰেলখনে গুৱাহাটী আৰু নিউ জলপাইগুৰিৰ মাজৰ ব্যৱধান অতিক্ৰম কৰিবলৈ সময় ল'ব প্ৰায় ৫ ঘন্টা ৫০ মিনিট ।

আজিৰ শুভাৰম্ভণি অনুষ্ঠানত উপস্থিত থাকে ৰে'লমন্ত্ৰী অশ্বিনী বৈষ্ণৱ, ৰাজ্য়পাল গোলাব চান্দ কাটাৰীয়া, মুখ্যমন্ত্ৰী ড০ হিমন্ত বিশ্ব শৰ্মা, কেন্দ্ৰীয় মন্ত্ৰী সৰ্বানন্দ সোণোৱালকে ধৰি বহুকেইজন বিশিষ্ট ব্যক্তি । উক্ত অনুষ্ঠানত উপস্থিত থাকি মুখ্যমন্ত্ৰী ড০ হিমন্ত বিশ্ব শৰ্মাই নিজৰ ভাষণত প্ৰধানমন্ত্ৰী মোডীৰ নেতৃত্বৰ কালত সকলো দিশতে উন্নয়নৰ ক্ষেত্ৰত আগুৱাই যোৱা কথা উল্লেখ কৰে ।

গুৱাহাটী-নিউ জলফাইগুৰিৰ বন্দে ভাৰত এক্সপ্ৰেছৰ সময় আৰু ষ্টপেজ হৈছে (ৰেল নং ২২২২৮)

গুৱাহাটী: বিয়লি ৪:৩০ বজাত

কামাখ্যা: বিয়লি ৪.৪০ বজাত

নিউ বঙাইগাঁও: বিয়লি ৬.৩৫ বজাত

কোকৰাঝাৰ: বিয়লি ৬.৫৬ বজাত

নতুন আলিপুৰদুৱাৰ: বিয়লি ৭.৪৮ বজাত

নতুন কোচবিহাৰ: বিয়লি ৮.০২ বজাত

নিউ জলপাইগুৰি: বিয়লি ১০.০০ বজাত

Also Read: জামুগুৰিহাটত কৃতী ছাত্ৰ-ছাত্ৰীৰ সম্বৰ্দ্ধনা...