ডিজিপি অফিচৰ কাষতে ভয়ংকৰ দুৰ্ঘটনা...

ডিজিটেল ডেস্কঃ পুনৰ গুৱাহাটী মহানগৰীত নিশা সংঘটিত হয় এক দুৰ্ঘটনা। এইবাৰ উলুবাৰীৰ আৰক্ষী সঞ্চালক প্ৰধানৰ কাৰ্যালয়ৰ সমীপত সংঘটিত হয় দুৰ্ঘটনা।

এই দুৰ্ঘটনাত দুজনকৈ লোক গুৰুতৰভাৱে আহত হৈছে। জানিব পৰা মতে এখন ফ'ৰ্ড ফিগো বাহনে খুন্দা মাৰে এখন হোণ্ডা চিটী বাহনত আৰু এখন মটৰ চাইকেলত। ফলত গুৰুতৰভাৱে আহত হয় মটৰচাইকেল আৰোহীগৰাকী। উল্লেখ্য মটৰ চাইকেল আৰোহীগৰাকী আছিল এগৰাকী ফুড ডেলিভাৰী বয়।

তাৰোপৰি ফ'ৰ্ডৰ ফিগো বাহনখনৰ চালকজনো আহত হৈছে। ঘটনাস্থলীত লগে লগে যান-বাহন আৰক্ষী উপস্থিত হৈ আহতসকলক হাস্পতাললৈ প্ৰেৰণ।

দুৰ্ঘটনাত পতিত হোৱা হোণ্ডা চিটীখনৰ নম্বৰ এএছ ০১ ডি আৰ ৪৬০৮, দুৰ্ঘটনা সংঘটিত কৰা ফ'ৰ্ডৰ ফিগো বাহনখনৰ নম্বৰ এএছ০১ বি পি ৯৫৮৩ আৰু মটৰ চাইকেলখনৰ নম্বৰ এএছ ২৮ই ৯৫১২।

Also Read: বিশ্বনাথৰ কৰ ফাঁকি দিওঁতা ব্যৱসায়ী তথা কংগ্ৰেছী বিক্ৰম ডুবেৰ বিজেপিত যোগদান...