মহানগৰীত ৬ কোটি টকাৰ ড্ৰাগছসহ ৪ সৰবৰাহকাৰী গ্ৰেপ্তাৰ

ডিজিটেল ডেস্কঃ মহানগৰীৰ আমিনগাঁৱত ৬ কোটি টকাৰ ড্রাগছ জব্দ কৰিছে মহানগৰ আৰক্ষীয়ে। কামৰূপ আৰক্ষী আৰু এচ টি এফৰ যুটীয়া অভিযানত জব্দ কৰা হৈছে ড্রাগছখিনি। এখন বলেৰ’ পিকআপ ভানৰ পৰা জব্দ কৰা হৈছে ৩৬ কিলোগ্রাম আফিং।

জানিব পৰা মতে, সৰবৰাহকাৰী কেইজনে বাহনখনৰ গোপন চেম্বাৰত লুকুৱাই আনিছইল আফিংখিনি। আৰক্ষীৰ অভিযানত গোপন চেম্বাৰৰ পৰা জব্দ কৰা হয় আফিংখিনি। আফিংখিনি মণিপুৰৰ পৰা অসমলৈ সৰবৰাহ কৰিছিল বুলি জানিব পৰা গৈছে।

অবৈধ আফিংসহ ৪ জনকৈ সৰবৰাহকাৰীকো আটক কৰিবলৈ সক্ষম হৈছে আৰক্ষী। আটক কৰা ৪ সৰবৰাহকাৰী ক্ৰমে মণ্টুল আলী, আইজুল হক, মহম্মদ ছফিকুল আলী আৰু ৰাজু আলী বুলি জানিব পৰা গৈছে।

Also Read: তৃণমূল কংগ্ৰেছৰ সাংসদ অভিষেক বেনাৰ্জীলৈ ইডিৰ চমন