![শিশুটো পঢ়াত দুৰ্বল যদি দৈনিক খাবলৈ দিয়ক এই শুকান ফল](http://media.assettype.com/asomiyapratidin%2F2024-04%2F63624fdf-a491-4ab2-ba16-02e3ffcfc8de%2F9.jpg?w=480&auto=format%2Ccompress&fit=max)
ডিজিটেল ডেস্ক: আজিকালি শিশুৰ অধ্যয়নৰ চাপ বহুত বেছি।যাৰ বাবে অভিভাৱকসকলে তেওঁলোকৰ সন্তানৰ খোৱা-বোৱাত যত্ন লোৱাটো খুবেই জৰুৰী।জ্যেষ্ঠসকলে প্ৰায়ে কয় যে সদায় বাদাম খালে আমাৰ মগজু তীক্ষ্ণ হয়। বিশেষজ্ঞসকলৰ মতেও শিশুৰ মগজুৰ বিকাশৰ বাবে বাদামৰ লগতে আৰু কেইটামান শুকান ফল খোৱাটো অতি উপকাৰী।কি কি শুকান ফলে আমাৰ মগজুৰ বাবে ঔষধৰ কাম কৰে, আজি জানো আহক-
আখৰোট
শিশুৰ স্মৃতিশক্তি উন্নত কৰিবলৈ আপুনি তেওঁলোকক আখৰোট খাবলৈ দিব। আখৰোটত ডিএইচএ, পলিআনচেচুৰেটেড, অমেগা-৩ ফেটি এচিড, ভিটামিন ই, প্ৰ'টিন, খনিজ, এণ্টিঅক্সিডেণ্ট আৰু পলিফেনল থাকে, যিয়ে মস্তিষ্কক তীক্ষ্ণ কৰিব পাৰে। অধ্যয়নতো দেখা গৈছে যে আখৰোট খালে স্মৃতিশক্তি বৃদ্ধি হয়।
বাদাম
মানসিক স্বাস্থ্যৰ বাবে বাদাম অতি স্বাস্থ্যকৰ।বাদাম খালে আলঝেইমাৰ, পাৰ্কিনছন, মেৰুদণ্ডৰ পেশীৰ ক্ষয় আদিৰ দৰে নিউৰোডিজেনাৰেটিভ ৰোগৰ আশংকা হ্ৰাস হয়। যদি আপুনি আপোনাৰ সন্তানৰো মানসিক স্বাস্থ্য উন্নত কৰিব বিচাৰে, তেন্তে তেওঁলোকক বাদাম খাবলৈ দিব।
কাঠ বাদাম
স্মৃতিশক্তি বৃদ্ধিৰ বাবে দৈনিক তিয়াই থোৱা কাঠবাদাম খাব লাগে। কাঠবাদামত প্ৰ'টিন, আঁহ, ভিটামিন ই, কেলচিয়াম, তাম আৰু মেগনেছিয়াম আদিৰ দৰে পুষ্টি থাকে, যি আপোনাৰ মগজুৰ স্বাস্থ্য উন্নত কৰিব পাৰে।তিয়াই থোৱা নহ'লে আপুনি আন প্ৰকাৰৰেও তেওঁলোকক কাঠ বাদাম খুবাব পাৰে।
ৰঙালাওৰ গুটি
ৰঙালাওৰ গুটিকো মগজু ঔষধ বুলি গণ্য কৰা হয়। ইয়াত এণ্টিঅক্সিডেণ্ট, মেগনেছিয়াম, আইৰণ, তাম আৰু জিংক থাকে। ইয়াত থকা মেগনেছিয়ামে শিকাৰ দক্ষতা আৰু স্মৃতিশক্তি বৃদ্ধি কৰে। ইয়াৰ লগতে, ই আপোনাক নিউৰোডিজেনাৰেটিভ ৰোগৰ পৰা সুৰক্ষা দিয়াত সহায় কৰিব পাৰে।