ডিজিটেল সংবাদ, লামডিংঃ ৰাজ্যত এতিয়াও অব্যাহত আছে বাৰ্মিজ চুপাৰিৰ চোৰাং বেহা। লামডিং ৰে'লৱে জংচনত আৰক্ষীয়ে পুনৰ বৃহৎ পৰিমাণৰ বাৰ্মিজ চুপাৰি জব্দ কৰিছে৷ লামডিং আৰক্ষী আৰু ৰে'ল আৰক্ষীৰ যৌথ অভিযানত জব্দ কৰা হয় বৃহৎ পৰিমাণৰ চুপাৰিখিনি৷
উল্লেখযোগ্য যে ডিমাপুৰৰ পৰা বহি: ৰাজ্যলৈ ৰে'লযোগে ৰে'লৱে পাৰ্চেলত সৰবৰাহ কৰা হৈছিল চুপাৰিখিনি ৷ ২০৫০৩ নামনিমুৱা ডিব্ৰুগড় নিউ দিল্লী ৰাজধানী এস্কপ্ৰেছ ৰে'লৰ পৰা জব্দ কৰা হয় চুপাৰিখিনি। ৰে'লখনৰ পৰা প্ৰায় ৪০টা বস্তাত ৪০কুইন্টল চুপাৰি জব্দ কৰে আৰক্ষীয়ে।
