ডিজিটেল সংবাদ, বৰবৰুৱা: বৰবৰুৱাৰ বগীবিলত সংঘটিত হৈছে এক মৰ্মান্তিক ঘটনা। বৰবৰুৱাৰ বগীবিলত এগৰাকী মাতৃয়ে দুই সন্তানক লগত লৈ ব্ৰহ্মপুত্ৰত জাপ দি বাছি ল'লে চৰম পন্থা। ঘটনাস্থলীত এছ ডি আৰ এফ বাহিনী উপস্থিত হৈ উদ্ধাৰ অভিযান অব্যাহত ৰাখিছে।
বৰ্তমানেও সন্ধান ওলোৱা নাই মাতৃ আৰু দুই সন্তানৰ। জানিব পৰা মতে নিখোজ মহিলা গৰাকী মহাৰাষ্ট্ৰৰ পূনম গিৰি ভাৰতীয় সেনা বাহিনীৰ কৰ্মৰত উড গিৰিৰ পত্নী আছিল। উদ গিৰি কৰ্মসূত্ৰে চিলাপথাৰত কৰ্মৰত আছিল।
স্থানীয় ৰাইজে পাৰিবাৰিক সংঘৰ্ষৰ বাবেই এই মৰ্মান্তিক ঘটনা সংঘটিত হোৱাৰ আশংকা প্ৰকাশ কৰিছে। এপ্ৰিল মাহৰ পৰা দুই সন্তান সহ: পতি-পত্নী চিলাপথাৰস্থিত ভাৰতীয় সেনা বাহিনীৰ চাউনীত বাস কৰিছিল।
