কাজিৰঙাত বনকৰ্মীৰ জালত পৰিল ৭ টাকৈ গৰু...

ডিজিটেল সংবাদ, বোকাখাতঃ কাজিৰঙা ৰাষ্ট্ৰীয় উদ্যানৰ কঁহৰা ৰেঞ্জৰ পূৱ হালধিবাৰী বন শিৱিৰৰ বন কৰ্মীয়ে নিয়মিত তালাচীৰ সময়ত বুধবাৰে সন্ধিয়া এখন ৰঙা ৰঙৰ জাইল' গাড়ীৰ ভিতৰত নিয়া ৭ টাকৈ গৰু উদ্ধাৰ কৰে ৷ অতি নিষ্ঠুৰ আৰু অমানুষিকভাৱে মুখ - ভৰি বান্ধি উক্ত ৭ টা গৰুক এ এছ ০১ এফ চি  নম্বৰৰ বিলাসী জাইল' গাড়ীখনত ভৰাই আনিছিল ৷

উল্লেখ্য যে, বোকাখাতৰ পৰা নগাঁৱলৈ বুলি গৈ থকা জাইল'খন চালক আৰু এজনক আটক কৰিছে বনকৰ্মী সকলে ৷ গাড়ীখন জব্দ কৰা জাইল' খনৰ পৰা গৰু ৭ টা উদ্ধাৰ কৰাৰ পিচত সম্প্ৰতি ধৃত লোক দুজনক জেৰা কৰি আছে বন বিভাগৰ অভিযানকাৰী দলে ৷ 

অন্যহাতে ৰাজ্যত চলি থকা গৰুৰ চোৰাং ব্যৱসায় নিয়ন্ত্ৰনৰ বাবে আৰক্ষী কঠোৰ হোৱাৰ সময়ত গৰুৰ চোৰাং ব্যৱসায়ী সকলে গৰু সৰবৰাহৰ বাবে নিতৌ নতুন নতুন কৌশল ব্যৱহাৰ কৰিছে ৷ শেহতীয়াভাৱে অতি নিষ্ঠুৰ ভাৱে ৭ টাকৈ গৰু ভৰাই অনা আৰু বুধবাৰৰ দিনৰ ভাগত ৪১ টাকৈ গৰু ভৰাই অনা এখন কন্টেনাৰ ট্ৰাক গৰু সহ জব্দ কৰিছিল বোকাখাত আৰক্ষীয়ে ৷