পৰ্যটন বিভাগৰ উদ্যোগত চৰাইদেউ মৈদামত স্বচ্ছতা কাৰ্যসূচী ৰূপায়ণ...

ডিজিটেল সংবাদ, চৰািদেউঃ গান্ধী জয়ন্তী উপলক্ষে বিশ্ব ঐতিহ্য ক্ষেত্ৰত চৰাইদেউ মৈদামত এক চাফাই অভিযান কাৰ্যসূচী ৰূপায়ণ কৰা হয় ৷ অসম চৰকাৰৰ পৰ্যটন বিভাগৰ শিৱসাগৰ মণ্ডলৰ উদ্যোগত পুৰাতত্ত্ব আৰু প্ৰত্নতাত্ত্বিক বিভাগৰ সহযোগত ৰূপায়ণ কৰা এই কাৰ্যসূচীত স্থানীয় প্ৰায় অৰ্ধ শতাধিক পুৰুষ- মহিলাই অংশগ্ৰহণ কৰে ৷

এই কাৰ্যসূচীত সোণাৰি বিধায়ক ধৰ্মেশ্বৰ কোঁৱৰ, মৈদাম সংৰক্ষণ সমিতিৰ সম্পাদক অতুল ৰাজকোঁৱৰ, সমাজকৰ্মী মৃদুল কোঁৱৰ, শিৱসাগৰ জিলা পৰ্যটন উন্নয়ন বিষয়া নয়নমণি পামেগাম,সংৰক্ষণ বিষয়া  কংকনজ্যোতি শইকীয়া, কেন্দ্ৰীয় পূৰাতত্ত্ব আৰু প্ৰত্নতাত্বিক বিভাগৰ বিষয়া- কৰ্মচাৰীকে ধৰি অঞ্চলটোৰ বহু গণ্য-মান্য ব্যক্তিসকল এই কাৰ্যসূচীত উপস্থিত থাকি কাৰ্যসূচী সফল কৰি তোলে।