![বিধানসভা নিৰ্বাচনঃ মুখ্যমন্ত্ৰী হিমন্ত বিশ্ব শৰ্মাক ঝাৰখণ্ডৰ সহ-প্ৰভাৰী নিযুক্তি](http://media.assettype.com/asomiyapratidin%2F2024-06%2F8fa9c12a-0a8a-4390-bdb0-0fe7d8cb64c8%2FAP_FOR_WEB__jharkhand_.jpg?w=480&auto=format%2Ccompress&fit=max)
ডিজিটেল ডেস্কঃ লোকসভা নিৰ্বাচনৰ পাছতেই দেশত অনুষ্ঠিত হ'ব বিধানসভা নিৰ্বাচন। দেশৰ তিনিখন ৰাজ্য আৰু এখন কেন্দ্ৰীয় শাসিত অঞ্চলত অনুষ্ঠিত হ’ব বিধানসভা নিৰ্বাচন ৷ এই নিৰ্বাচনক লৈ ইতিমধ্যে ৰাজ্যকেইখনত প্ৰস্তুতি আৰম্ভ হৈছে ৷
আগন্তুক বিধানসভা নিৰ্বাচন অনুষ্ঠিত হ'বলগা চাৰিখন ৰাজ্যত নিৰ্বাচনৰ বাবে দলীয় প্ৰভাৰী আৰু সহ প্ৰভাৰী নিযুক্তি দিছে। দলটোৰ ৰাষ্ট্ৰীয় সভাপতি জে পি নাড্ডাই নিৰ্বাচনী প্ৰভাৰী আৰু সহ-প্ৰভাৰী নিযুক্তি দিছে ৷
কেইবাজনো কেন্দ্ৰীয় মন্ত্ৰীয়ে এই তালিকাত স্থান পাইছে। বিজেপিৰ কেইবাজনো শীৰ্ষ নেতাক দলীয় নিৰ্বাচনী দায়িত্ব অৰ্পণ কৰিছে৷ প্ৰভাৰী আৰু সহ-প্ৰভাৰীৰ এই তালিকাত অসমৰ মুখ্যমন্ত্ৰী ড৹ হিমন্ত বিশ্ব শৰ্মাও অন্তৰ্ভুক্ত হৈছে ৷
মুখ্যমন্ত্ৰী ড৹ হিমন্ত বিশ্ব শর্মাক ঝাৰখণ্ডৰ বিধানসভা নিৰ্বাচনৰ সহ-প্ৰভাৰী হিচাপে নিযুক্তি দিয়া হৈছে ৷ আনহাতে কেন্দ্ৰীয় মন্ত্ৰী শিৱৰাজ সিং চৌহানক ৰাজ্যখনৰ নিৰ্বাচনী প্ৰভাৰী হিচাপে নিযুক্তি দিয়া হৈছে ৷