মঙলদৈত উলহ- মালহেৰে শিশু দিৱস উদযাপন

ডিজিটেল সংবাদ,মঙলদৈ : দেশৰ লগতে ৰাজ্যত পালিত হৈছে খুড়া নেহেৰুৰ জন্মদিন তথা শিশু দিৱস। দেশৰ ভিন্ন প্ৰান্তৰ লগতে অসমৰ দৰং জিলাতো বিভিন্ন অনুষ্ঠান-প্ৰতিষ্ঠান, স্কুল আৰু সংঘৰ উদ্যোগত শিশু দিৱস উলাহ মালহেৰে পালন কৰা হৈছে ।

মঙলদৈ চহৰৰ মঙলদৈ ইউথ ক্লাবৰ উদ্যোগত দিনজোৰাকৈ অনুষ্ঠিত কৰা হৈছে শিশু দিৱস। এই উপলক্ষে শিশু সমাৰোহৰ লগতে শোভাযাত্ৰা উলিওৱা হয় ।

শিশু দিৱসৰ পতাকা উত্তোলন কৰে শিশু নন্দন প্ৰতিম নাথে ।  বালিপোটা প্ৰাথমিক বিদ্যালয়ৰ পঞ্চম শ্ৰেণীত অধ্যয়ন নন্দন প্ৰতিম নাথে সুন্দৰ বক্তব্য আগবঢ়াই এই অনুষ্ঠানত । এই উপলক্ষে এখনি সভাও অনুষ্ঠিত হয় । আবেলি শিশুসকলৰ মাজত চিত্ৰাঙ্কন,হাতৰ আখৰ লিখা প্ৰতিযোগিতা অনুষ্ঠিত হ'ব বুলি আয়োজকসকলে জনায় ।