গান্ধী জয়ন্তী উপলক্ষে দ’লবাগান উচ্চতৰ মাধ্যমিক বিদ্যালয়ৰ স্বচ্ছতা কাৰ্যসূচী...

ডিজিটেল সংবাদ,চৰাইদেউঃ জাতিৰ পিতা মহাত্মা গান্ধীৰ জন্ম জয়ন্তী উপলক্ষে দ'ল বাগান উচ্চতৰ মাধ্যমিক বিদ্যালয়ৰ শতবাৰ্ষিকী সামৰণি অনুষ্ঠানৰ সামূহিক চাফাই কাৰ্যসূচীত অংশগ্ৰহণ কৰে সোণাৰি সমষ্টিৰ বিধায়ক ধৰ্মেশ্বৰ কোঁৱৰে। দ'ল বাগান উচ্চতৰ মাধ্যমিক বিদ্যালয়ৰ শতবাৰ্ষিকী উদযাপন সমিতিৰ সমূহ বিষয়-ববীয়াৰ লগতে অধ্যক্ষৰ সৈতে অংশগ্ৰহণ কৰে চাফাই কাৰ্যসূচীত।

আনহাতে জাতিৰ পিতা মহাত্মা গান্ধীৰ জন্মদিনত তেখেতলৈ শ্ৰদ্ধাঞ্জলি জ্ঞাপন কৰাৰ লগতে সকলোলৈ এই পবিত্ৰ দিনটোত শুভেচ্ছা জ্ঞাপন কৰে সোণাৰি সমষ্টিৰ বিধায়ক ধৰ্মেশ্বৰ কোঁৱৰে।

উল্লেখ্য যে, অহা ৪, ৫ আৰু ৬ নৱেম্বৰত তিনি দিনীয়া বর্ণাঢ্য কাৰ্যসূচীৰে বিদ্যালয়খনৰ গৌৰৱোজ্জ্বল শতবৰ্ষৰ সামৰণি অনুষ্ঠান উদযাপনৰ ব্যাপক প্ৰস্তুতি চলাইছে।