ডিজিটেল ডেস্কঃ দক্ষিণ শালমাৰা মানকাচৰ জিলাৰ ফকিৰগঞ্জ থানাত চিএম ভিজিলেঞ্চৰ অভিযান। এটা দলে অভিযান চলাই ফকিৰগঞ্জ থানাৰ উপ পৰিদৰ্শক ফজিয়েল হকক ঘোচ লোৱাৰ সময়ত হাতেলোটে আটক কৰে ৷
ফজিয়েক হক নামৰ উপ পৰিদৰ্শকগৰাকীৰ বিৰুদ্ধে দীৰ্ঘদিনৰ পৰা উৎকোচ লোৱাৰ অভিযোগ উত্থাপন হৈ আছিল। সেইসময়তে সোমবাৰে চিএম ভিজিলেঞ্চৰ অভিযানত হাতেলোটে ধৰা পৰে উপ পৰিদৰ্শকগৰাকী ৷
জানিব পৰা মতে এটা গোচৰ মিমাংসা কৰাৰ নামত এগৰাকী ভুক্তভোগীৰ পৰা দাবী কৰিছিল ৩০ হাজাৰ টকা৷ আজি ভুক্তভোগী গৰাকীয়ে ৮হাজাৰ টকা ঘোচ দিয়াৰ সময়তে চিএম ভিজিলেঞ্চৰ জালত পৰে ফজিয়েল হক ৷ বৰ্তমান দলটোৱে থানাৰ ভিতৰতে জেৰা অব্যাহত ৰাখিছে ঘোচখোৰ ফজিয়েল হকক ।
