বিহালীৰ জিনজিয়াত কংগ্ৰেছ‌ নেতাক আটক...

ডিজিটেল সংবাদ, বিহালী : বিহালীৰ জিনজিয়াত কংগ্ৰেছ‌ নেতাক আটক কৰিলে আৰক্ষীয়ে। চৰাইদেউ জিলা কংগ্ৰেছৰ সভাপতি উৎপল গগৈক আটক কৰিলে জিনজিয়া আৰক্ষীয়ে।

জিনজিয়াত আলহী খাবলৈ আহিছিল বুলি প্ৰকাশ কৰিছে কংগ্ৰেছ নেতাগৰাকীয়ে ৷ ইফালে কি কাৰণত কংগ্ৰেছ নেতাগৰাকীক আটক কৰা হ'ল তাৰ কোনো সঠিক তথ্য দিয়া নাই আৰক্ষীয়ে ৷

উল্লেখযোগ্য যে উৎপল গগৈ ২০২৬ চনৰ সোণাৰি বিধানসভা সমষ্টিৰ কংগ্ৰেছৰ টিকটৰ দাবীদাৰ বুলিও এক চৰ্চা চলিছে ৷ ইতিমধ্যে তেওঁক আটক কৰি জিনজিয়া আৰক্ষী থানাত বহুৱাই থৈছে বুলি জানিব পৰা গৈছে।

ইফালে এই ঘটনাৰ পাছতে থানাত উপস্থিত হৈছে কংগ্ৰেছ সাংসদ গৌৰৱ গগৈ। অচিৰেই উৎপল গগৈক মুকলি কৰি দিয়াৰ দাবী তুলিছে সাংসদগৰাকীয়ে।