চেঙাত ভয়ংকৰ পথ দুৰ্ঘটনা : কেইবাজনো যাত্ৰী আহত

ডিজিটেল সংবাদ, চেঙা : বৰপেটা জিলাৰ নিজ চেঙা গাঁৱত সংঘটিত হৈছে এক ভয়ংকৰ পথ দুর্ঘটনা। এই দুৰ্ঘটনাৰ ফলত কেইবাজনো যাত্ৰী আঘাতপ্ৰাপ্ত হোৱা বুলি জানিব পৰা গৈছে। 

জানিব পৰা মতে এ এছ- ২৫- ই চি -১২৬৮ নম্বৰৰ যাত্ৰীবাহী বাছখন বৰপেটাৰ পৰা গুৱাহাটী অভিমুখে গৈ থকা অৱস্থাত নিজ চেঙাত চাইকেল আৰহীৰ লগত মুখামুখী হোৱাৰ পাছত বাছখনে নিয়ন্ত্ৰণ হেৰুৱাই পথৰ কাষত থকা গছত খুন্দিয়াই। ফলত চাইকেল আৰহী লোকজনৰ লগতে বাছখনৰ যাত্ৰী গুৰুতৰভাৱে আহত হয়। 

আহত লোক কেইজনক স্থানীয় ৰাইজৰ সহযোগত চেঙা আদৰ্শ চিকিৎসালয়লৈ প্ৰেৰণ কৰিছে। ইতিমধ্যে ঘটনাস্থলীত তাৰাবাৰী আৰক্ষী উপস্থিত হৈ ঘটনাৰ বুজ লোৱা বুলি জানিব পৰা গৈছে।