ধেমাজি আছুৰ মিল্টন বৰগোহাঁইৰ আকস্মিক মৃত্যু...

ডিজিটেল সংবাদ ,ধেমাজিঃ ধেমাজিৰ গোৱালচাপৰি নিবাসী তথা  ধেমাজি আঞ্চলিক ছাত্ৰ সন্হাৰ প্ৰাক্তন সম্পাদক মিল্টন বৰগোহাঁই(২৪)বয়সত সোমবাৰে  আকস্মিকভাৱে হোৱা খৱৰে ধেমাজিত গভীৰ শোকৰ ছাঁ পেলাইছে৷

জানিব পৰা মতে ছাত্ৰজনৰ যোৱা দেওবাৰে হঠাতে হোৱা পেটৰ বিষৰ বাবে ধেমাজিত চিকিৎসা কৰাইছিল যদিও পুনৰ সোমবাৰে ৰাতিপুৱা আৰু  বেছিকৈ বিষ হোৱাত  বিয়লি প্ৰায় ১ মান বজাত পৰিয়ালে ততাতৈয়াৰকৈ উন্নত চিকিৎসাৰ বাবে  ডিব্ৰুগড়ৰলৈ নিছিল ৷

অতি  দুৰ্ভাগ্যজনক বিষয় যে  ডিব্ৰুগড়ৰ গৈ পালে যদিও চিকিৎসাৰ ব্যৱস্থা কৰা পূৰ্বেও বিয়লি ৪.৩০ মান বজাত ছাত্ৰজনে মৃত্যুক আকোঁৱালি লয় ৷ অতি  শান্ত শিষ্ট , অমায়িক ছাত্ৰ জনৰ মৃত্যুত  সদৌ অসম ছাত্ৰ সন্থা , সদৌ ধেমাজি জিলা ছাত্ৰ  সন্থা , মহকুমাৰ ছাত্ৰ সন্থা আৰু ধেমাজি আঞ্চলিক ছাত্ৰ সন্থাই গভীৰ শোক প্ৰকাশ কৰিছে ৷ এক শোক বাৰ্তা যোগে  সদৌ ছাত্ৰ সন্থা কেন্দ্ৰীয় সমিতিৰ সহকাৰী সম্পাদক দীপক শৰ্মা ,কাৰ্যনিৰ্বাহক সদস্য  বিকাশ মিছং , ধেমাজি জিলা ছাত্ৰ সন্থা সভাপতি সঞ্জীৱ দাস , সম্পাদক জয়ন্ত বৰগোহাঁই আৰু জিলা উপদেষ্টা ৰবি কছাৰী , প্ৰাক্তন  কেন্দ্ৰীয় সমিতিৰ বিত্তীয় সম্পাদক মন্টুৰাজ বৰুৱা , জিলা উপদেষ্টা সুভাষ বুঢ়াগোহাঁইয়ে সৰ্তীথ ছাত্ৰ জনৰ বিয়োগত গভীৰ শোক প্ৰকাশ কৰি শোকসন্তপ্ত পৰিয়াল বৰ্গৰলৈ সমবেদনা জনাইছে ৷ 

ইফালে ধেমাজি যোগেশ গোহাঁই উচ্চ মাধ্যমিক বিদ্যালয়ৰ পৰা হাইস্কুল শিক্ষান্ত পৰীক্ষা আৰু মৰিধল মহাবিদ্যালয়ৰ পৰা স্নাতক ডিগ্ৰী গ্ৰহন কৰা ছাত্ৰজনৰ আকস্মিক মৃত্যুৰ খৱৰ বিয়পি পৰা লগে লগে  বিদ্যালয় আৰু মহাবিদ্যালয় খনৰ লগতে ধেমাজি জিলা জাতীয়তাবাদী যুৱ ছাত্ৰ পৰিষদ , ধেমাজি জিলা তাই আহোম ছাত্ৰ সন্হা ,জিলা সোনোৱাল কছাৰী ছাত্ৰ সন্হা ,কোচ  ৰাজবংশী ছাত্ৰ সন্হা ,ধেমাজি জিলা জাতীয়তাবাদী যুৱ পৰিষদ , ধেমাজি সাহিত্য সভা , ধেমাজি মইনা পাৰিজাত ,ধেমাজি প্ৰেছ ক্লাৱ , ধেমাজি জিলা ছাত্ৰ মুক্তি সংগ্ৰাম সমিতিকে ধৰি জিলাখনৰ বিভিন্ন দল সংগঠনে শোক প্ৰকাশ কৰিছে ৷