ড০ হৰিচৰণ দাসক ধুবুৰী গৌৰৱ সাহিত্যিক বঁটা প্ৰদান

ডিজিটেল সংবাদ,ধুুুবুৰী : বিলাসীপাৰা মহাবিদ্যালয়ৰ গ্ৰন্থাগাৰিক, লেখক ,গৱেষক তথা পৰিৱেশ কৰ্মী ড০ হৰিচৰণ দাসক শনিবাৰে ধুবুৰী গৌৰৱ সাহিত্যিক বঁটা প্ৰদান কৰা হয়। উল্লেখযোগ্য যে ধুবুৰী প্ৰেছ ক্লাৱে আয়োজন কৰা ৰাষ্ট্ৰীয় প্ৰেছ দিৱসৰ এক গাম্ভীর্যপূৰ্ণ অনুষ্ঠানত উক্ত বঁটা প্ৰদান কৰে।

বঁটা গ্ৰহণ কৰি ড০ দাসে কয় যে তেওঁ জন্মসূত্ৰে ধুবুৰী জিলাৰ নহয়, কিন্তু কৰ্মসূত্রে তেওঁ ধুবুৰী জিলাত ২৫ বছৰ অতিক্রম কৰিলে। কৰ্মজীৱনৰ ৰূপালী জয়ন্তী বৰ্ষত ধুবুৰী প্ৰেছ ক্লাৱে আগবঢোৱা এই বঁটা তেওঁৰ পৰমপ্ৰাপ্তি বুলি মন্তব্য কৰে ।

তেওঁক এই বঁটা প্ৰদান কৰাৰ বাবে ধুবুৰী প্ৰেছ ক্লাব তথা ধুবুৰীবাসী ৰাইজক গভীৰ কৃতজ্ঞতা জ্ঞাপন কৰে।