হেমচন্দ্ৰ বৰুৱাৰ অবিহনে অসমীয়া ভাষাৰ আত্মপ্ৰতিষ্ঠা সম্ভৱ নহ'ল হয়...

ভাষিক আত্মপ্ৰতিষ্ঠাৰ সংকটকালত হেমচন্দ্ৰ বৰুৱাৰ অৱদান অবিহনে অসমীয়া ভাষাই ইয়াৰ স্বকীয় পৰিচয় বৰ্তাই ৰাখিব নোৱাৰিলে হেতেন।

অসমীয়াৰ বৰ্তমানৰ কথিত আৰু লিখিত তথা মান্যৰূপৰ যি গদ্যশৈলী সেয়া হেমচন্দ্ৰ বৰুৱাৰ একক অৱদান। হেমচন্দ্ৰ-তুলসীৰামৰ পৰা আৰম্ভ কৰি, আনন্দৰাম বৰুৱা, দেবানন্দ বৰুৱালৈ- এই তিনি প্ৰজন্মই হেমকোষৰ দায়িত্ব গ্ৰহণ কৰি শব্দ সংখ্যা বৃদ্ধিৰে সম্পাদনা কৰি হেমকোষক এখন গতিশীল আৰু জীৱন্ত অভিধান কৰি ৰাখিছে।

বৰ্তমান হেমকোষ ঐতিহ্যৰ উত্তৰাধিকাৰ চতুৰ্থ প্ৰজন্মৰ হাতত। চতুৰ্থ প্ৰজন্মৰ সঠিক উত্তৰাধিকাৰীৰূপে শ্ৰীমান জয়ন্ত বৰুৱাই আজিৰ তাৰিখত এজন ব্যক্তিৰ পৰা গৈ এটি অনুষ্ঠান হৈ পৰিছে। অসমৰ বৃহত্তম সংবাদ গোষ্ঠীৰ স্বত্বাধিকাৰ ৰূপে জাতীয় জীৱনলৈ মহৎ অৱদান আগবঢ়াই অহা জয়ন্ত বৰুৱাৰ হেমকোষ ঐতিহ্যৰ এটা নতুন দিশ উন্মোচন কৰি আমাৰ জাতীয় জীৱন সমৃদ্ধ কৰিলে।

ব্ৰেইল পদ্ধতিত হেমকোষৰ প্ৰকাশে ভাষা-সাহিত্য চৰ্চাৰ ক্ষেত্ৰত এক বৈপ্লৱিক পৰিৱৰ্তন সাধন কৰিলে। ড০ ঠাকুৰে হেমকোষৰ এটা সুদীৰ্ঘযুগৰ সম্পাদনাৰ দায়িত্ব পালন কৰা প্ৰয়াত দেবানন্দ বৰুৱাৰ লগত চতুদৰ্শ সংস্কৰণকে ধৰি সংস্কৰণসমূহৰ সম্পাদনা আৰু সেই সময়ত লাভ কৰা বিভিন্ন অভিজ্ঞতাকো শ্ৰদ্ধাৰে স্মৰণ কৰে।

লগতে ১৯৭৪ চনত দেৰগাঁও সাহিত্য সভাৰ সোণালী জয়ন্তী অনুষ্ঠান উদযাপনৰ সভাপতি হৰকান্ত মহন্ত দেবৰ লগত সম্পাদক ৰূপে কৰা কাম আৰু তেতিয়াই লোকসংগীত শিল্পী বীৰেন্দ্ৰ কুমাৰ বৰাই অংকন কৰা হেমচন্দ্ৰ বৰুৱাৰ চিত্ৰখনৰ কথাও উল্লেখ কৰে।

উল্লেখ্য যে, বীৰেন্দ্ৰ কুমাৰ বৰা অংকিত উক্ত চিত্ৰখনি দেৰগাঁও সাহিত্য লভাই এতিয়াও বিশেষ ভাবে সংৰক্ষিত কৰি ৰাখিছে।