অসম প্ৰদেশ কংগ্ৰেছৰ শিক্ষক কোষৰ উপাধ্যক্ষ নিযুক্তি...

ডিজিটেল সংবাদ, ঢকুৱাখনা: ধেমাজি জিলাৰ গোগামুখৰ অন্যতম উচ্চ শিক্ষানুষ্ঠান এন চি ডি মহাবিদ্যালয়ৰ প্ৰতিষ্ঠাপক অধ্যক্ষ, বিশিষ্ট লেখক, নিবন্ধকাৰ, ভাষাবিদ, ঢকুৱাখনা বি এড মহাবিদ্যালয়ৰ জ্যেষ্ঠ প্ৰশিক্ষক ডঃ সুৰজিত দলেক অসম প্ৰদেশ কংগ্ৰেছ সমিতিৰ শিক্ষক কোষৰ উপাধ্যক্ষ হিচাবে নিযুক্ত কৰা হৈছে। ঢকুৱাখনা মহকুমাৰ কেঁকুৰী পমুৱা গাঁৱত জন্মগ্ৰহণ কৰাৰ পাছত সম্প্ৰতি গোগামুখৰ বাসিন্দা, বিশিষ্ট ভাষাবিদ ডঃ দলেক সোমবাৰে অসম প্ৰদেশ কংগ্ৰেছ সমিতিৰ শিক্ষক কোষৰ অধ্যক্ষ বিশ্বজিৎ ভূঞাই এক নিৰ্দেশনা যোগে ডঃ দলেক তাৎক্ষণিকভাৱে কাৰ্যকৰী হোৱাকৈ এই গুৰুত্বপূৰ্ণ পদত মনোনীত কৰিছে।

ঢকুৱাখনা বিধানসভা সমষ্টিত ঢকুৱাখনা ব্লক কংগ্ৰেছৰ একাংশ নেতৃত্বৰ সহযোগত সমাগত পঞ্চায়ত নিৰ্বাচনৰ পূৰ্বে সাংগঠনিক ভেঁটি মজবুত কৰাত ব্ৰতী হৈ অহা ডঃ দলেক ৰাজ্যিক পৰ্য্যায়ৰ এই গুৰুত্বপূৰ্ণ পদত মনোনীত কৰাৰ বাবে প্ৰদেশ কংগ্ৰেছৰ সভাপতি ভূপেন বৰা, শিক্ষক কোষৰ অধ্যক্ষ বিশ্বজিৎ ভূঞাক ডঃ দলেয়ে কৃতজ্ঞতা জ্ঞাপন কৰিছে। ঢকুৱাখনা ব্লক কংগ্ৰেছৰ এটা সঁজাতি দলৰ লগতে ডঃ দলেয়ে অসম প্ৰদেশ কংগ্ৰেছৰ সভাপতি ভূপেন বৰাক  গুৱাহাটীৰ ৰাজীৱ ভৱনত সাক্ষাৎ কৰি ফুলাম জনগোষ্ঠীয় গামোচা আৰু ফুলাম গামোচাৰে সম্বৰ্ধনা জনাই দলৰ হৈ সেৱা আগবঢ়াই যোৱাৰ সুযোগ দিয়াৰ বারে কৃতজ্ঞতা জ্ঞাপন কৰে ।

Also Read: এন আই আৰ এফ ৰেংকিঙত স্থান লাভ অসমৰ দুখন বিশ্ববিদ্যালয়ৰ...