![চতিয়াত নিচাযুক্ত সামগ্ৰীসহ এজনক আটক...](http://media.assettype.com/asomiyapratidin%2F2024-06%2F6d9c8738-9e9f-42d9-bb80-e9170f8daf7e%2F7.jpg?w=480&auto=format%2Ccompress&fit=max)
ডিজিটেল সংবাদ, জামুগুৰিহাটঃ চতিয়াত গাঞ্জাসহ এজনক আটক কৰিছে আৰক্ষীয়ে ৷ চতিয়াৰ খনাগুৰিৰ ভাস্কৰজ্যোতি বিদ্যালয়ৰ সন্মুখত দেওবাৰে সন্ধিয়া আৰক্ষীয়ে বৃহৎ পৰিমাণৰ গাঞ্জাসহ এজন সৰবৰাহকাৰীক আটক কৰিবলৈ সক্ষম হয়৷
মাহী নামৰ এখন যাত্ৰীবাহী বাছখনত গাঞ্জাখিনি কঢ়িয়াই অনাৰ তথ্য লাভ কৰি চতিয়া আৰক্ষীয়ে গাড়ীখন উক্তস্থানত আগচি ধৰে৷ গাড়ীখনৰ ভিতৰৰ পৰা প্ৰায় ৮ কিলোগ্ৰাম গাঞ্জা জব্দ কৰাৰ লগতে আৰক্ষীয়ে আটক কৰে সৰবৰাহকাৰীটোক ৷
আৰক্ষীৰ জালত পৰা গাঞ্জা সৰবৰাহ কাৰীটোৰ নাম বিবেক নাথ বুলি জানিব পৰা গৈছে৷ আৰক্ষীৰ জেৰাত ধৃত সৰবৰাহকাৰীটোৱে গাঞ্জা খিনি তেজপুৰৰ পৰা বিশ্বনাথ চাৰিআলিলৈ সৰবৰাহৰ বাবে অনাৰ কথা স্বীকাৰ কৰিছে৷ অবৈধ গাঞ্জা সৰবৰাহকাৰী বিবেক নাথৰ প্ৰকৃত ঘৰ বৰপেটাত আৰু বৰ্তমান তেজপুৰ মাজবাটত আছিল বুলি জানিব পৰা গৈছে ৷