কচুৱাত নিচাযুক্ত সামগ্ৰীৰ বিৰুদ্ধে অভিযানঃ আটক এজন সৰবৰাহকাৰী

ডিজিটেল সংবাদ,কচুৱাঃ  নিচাযুক্ত সামগ্ৰীৰ বিৰুদ্ধে পুনৰ অভিযান চলাইছে কচুৱা আৰক্ষীয়ে। এক গোপন সুত্ৰৰ ভিত্তিত অভিযান চলাই আৰক্ষীয়ে কচুৱাৰ বিৰিঙাআটিৰ পৰা এজন ড্ৰাগছ সৰবৰাহকাৰীক আটক কৰিবলৈ সক্ষম হয়। আটকাধীন লোকজন কচুৱাৰ সাতলঙাৰ আবু হানিফ বুলি জানিব পৰা গৈছে। 

কচুৱা থানৰ আৰক্ষী বিষয়া জাহ্নৱ হাজৰিকাই চলোৱা এই অভিযানত ধৃত আবু হানিফাৰ পৰা এটা চাবোন বাকচত ১১.৭১ গ্ৰাম ড্ৰাগছ জব্দ কৰে। লগতে AS02AF8171 নম্বৰৰ এখন মটৰ চাইকেল জব্দ কৰে আৰক্ষীয়ে। 

বৰ্তমান ধৃত আবু হানিফক কচুৱা আৰক্ষীয়ে জেৰা অব্যাহত ৰাখি আইনী ব্যৱস্থা গ্ৰহণ কৰা বুলি জানিব পৰা গৈছে।