চিলাপথাৰত বিশিষ্ট কবি ভূৱন দাসৰ কবিতা পুথি উন্মোচন

ডিজিটেল সংবাদ, চিলাপথাৰ : চিলাপথাৰ কবি সমাজ আৰু স্বেচ্ছাসেৱী সংগঠন সৰথি'ৰ উদ্যোগত শুকুৰবাৰে চিলাপথাৰত অনুষ্ঠিত হয় এক গ্ৰন্থ উন্মচনী সভা। চছাইটি উত্তম চুইটচ'ত অসম কবি সমাজৰ চিলাপথাৰৰ সভাপতি নৃপেন বৰঠাকুৰে আঁত ধৰা সভাত অসম কবি সমাজৰ সহকাৰী সম্পাদক তথা বিশিষ্ট কবি ভূৱন দাসৰ দ্বিতীয়খন কবিতা পুথি "এখন হৃদয়ৰ সন্ধানত" উন্মোচন কৰা হয়।

পুথিখন উন্মোচম কৰে কবি তথা সাংবাদিক মৃদুপবন চুতীয়াই। একেটা অনুষ্ঠানতে কবি ভূৱন দাসৰ ৬০ সংখ্যক জন্মদিন পালন কৰা হয়।

কে'ক কাটি ওপজা দিনৰ ওলগ যাচে অনুষ্ঠানত উপস্থিত বহু শুভাকাংক্ষীয়ে। অনুষ্ঠানত জিলাখনৰ বহু কবি,সাহিত্যিক,শিক্ষক, অৱসৰপ্ৰাপ্ত শিক্ষক, সমাজকৰ্মীৰ লগতে চিলালাপথৰ প্ৰেছ ক্লাবৰ সদস্য সদস্যা সকল উপস্থিত থাকে।

Also Read: দেৱালী উপলক্ষে মিৰ্জাত গছপুলি ৰোপণ