স্বাধীনতা সংগ্ৰামী প্ৰাসদ সিং চুব্বাৰ জন্ম জয়ন্তী উদযাপন

ডিজিটেল সংবাদ, জামুগুৰিহাট: জামুগুৰিহাটত গোৰ্খা ছাত্ৰ সন্থা‌ৰ শোণিতপুৰ জিলা সমিতিয়ে ভাৰতৰ স্বাধীনতা সংগ্ৰামী প্ৰয়াত প্ৰাসদ সিং চুব্বাৰ ১১৭সংখ্যক জন্ম জয়ন্তী উদযাপন কৰাৰ লগতে স্মৃতি সেৱা সন্মান ২০২৪ বঁটা প্ৰদান অনুষ্ঠান অনুষ্ঠিত কৰে। এই উপলক্ষে মঙলবাৰে পুৱাই আমদাৰা ত্ৰি মিলন ৰংগমঞ্চত আয়োজিত অনুষ্ঠানৰ শুভ উদ্বোধন কৰে প্ৰাক্তন গোৰ্খা ছাত্ৰ নেতা তথা বিশিষ্ট সমাজকৰ্মী ৰাজেশ সাপেঙে ৷ বন্তি প্ৰজ্বলন কৰে অসম চৰকাৰৰ শিল্পী পেঞ্চন প্ৰাপক চক্ৰপাণি শৰ্মাই ।

ইয়াৰ পিছতে শোণিতপুৰ জিলা গোৰ্খা ছাত্ৰ সন্থাৰ সভাপতি দীপক চুব্বাৰ সঞ্চালনাত অনুষ্ঠিত অনুষ্ঠানৰ আঁত ধৰে জিলাৰ মুখ্য সম্পাদক হিতেশ পৰাজুলিয়ে। অনুষ্ঠানটিত শিল্পী সাহিত্যিক প্ৰয়াত হৰেন চুব্বা লৈ মৰণোত্তৰভাৱে আগবঢ়োৱা স্বাধীনতা সংগ্ৰামী প্ৰসাদ সিং চুব্বা স্মৃতি সেৱা সন্মান ২০২৪ বঁটা তেখেতৰ সহধৰ্মিণী দেৱী চুব্বাক প্ৰদান কৰা হয়। লগতে উচ্চ আৰু উচ্চতৰ মাধ্যমিক চুড়ান্ত পৰীক্ষাত সফলতা অৰ্জন কৰা অঞ্চলটোৰ বহুকেইগৰাকী কৃতি ছাত্ৰ-ছাত্ৰীক উষ্ম সম্বৰ্দ্ধনা জ্ঞাপন কৰা হয়৷

ভাৰতৰ স্বাধীনতা সংগ্ৰামী গৰাকীৰ জন্ম জয়ন্তী অনুষ্ঠানটিত মূখ্য অতিথি হিচাবে অংশগ্ৰহণ কৰে সদৌ অসম গোৰ্খা ছাত্ৰ সন্থাৰ উপ-সভাপতি দিলীপ গজুৰেলে৷ বিশ্বনাথ জিলা গোৰ্খা ছাত্ৰ সন্হাৰ সাংগঠনিক সম্পাদক *ৰাকেশ শৰ্মা ,অসম গোৰ্খা সন্মিলনৰ মহিলা কোষৰ মূখ্য আহ্বায়িকা দক্ষিণা দেবী গজুৰেল , শোণিতপুৰ জিলা ছাত্ৰ সন্থাৰ সভাপতি অভিজিত নাথ, শোণিতপুৰ জিলা গোৰ্খা সন্মিলনৰ কাৰ্যকৰী সভাপতি দধী শৰ্মা আদিকে ধৰি বিশিষ্ট ব্যক্তি সকলৰ লগতে অঞ্চলটোৰ গন্যমান্য ব্যক্তি ও ৰাইজৰ উপস্থিতিত অনুষ্ঠিত অনুষ্ঠানত গোৰ্খা যুৱক যুৱতী সকলে পৰিৱেশন কৰা গীত নৃত্যৰ অনুষ্ঠানে সকলোৰে মন মুগ্ধ কৰে।

Also Read: থাইলেণ্ডত সত্ৰীয়া নৃত্য প্ৰদৰ্শন কৰি দিছা ৰিছা কাশ্যপৰ কৃতিত্ব