দৰঙৰ ভুড়াৰগড় ক্ৰিকেট ক্লাবৰ গান্ধী জয়ন্তী আৰু সম্বৰ্ধনা অনুষ্ঠান...

ডিজিটেল সংবাদ,‌ মঙলদৈঃ দৰং জিলাৰ কলাইগাঁও বিধানসভা সমষ্টিৰ ভুড়াৰগড় গাঁও পঞ্চায়তৰ অন্তৰ্গত ভুড়াৰগড় ক্ৰিকেট ক্লাবৰ উদ্যোগত দেওবাৰে গান্ধী জয়ন্তী উদযাপন কৰাৰ লগতে ভুড়াৰগড় গাঁও পঞ্চায়তৰ অন্তৰ্গত কেইবাগৰাকীও যুৱকে এইবেলি আৰক্ষীত নিযুক্তি লাভ কৰাৰ উপৰি ডক্টৰেট ডিগ্ৰী লাভ কৰি নতুনকৈ অধ্যাপক হিচাপে নিযুক্তি লাভ কৰা ব্যক্তিক সম্বৰ্ধনা জ্ঞাপন কৰে ।

ৰাতিপুৱা মহামানৱ মহাত্মা গান্ধীৰ প্ৰতিচ্ছবিত মাল্যাৰ্পণ, বন্তি প্ৰজ্বলনৰ লগতে শ্ৰদ্ধাঞ্জলি অনুষ্ঠানেৰে গান্ধীলৈ শ্ৰদ্ধাঞ্জলি জ্ঞাপন কৰি গান্ধী জয়ন্তী পালন‌ কৰে। সমলা, গড়গৰী,ঝাকুৱাপাৰাৰ গাঁওবুঢ়া হিচাপে অৱসৰগ্ৰহণ কৰা তীৰ্থৰাম ডেকা দেৱকো অৱসৰী সম্বৰ্ধনা জ্ঞাপন কৰে।

অৱসৰী শিক্ষক ধনেশ্বৰ শৰ্মা ৰ সভাপতিত্ব অনুষ্ঠিত হোৱা সম্বৰ্ধনা অনুষ্ঠানত উপস্থিত থাকি বক্তব্য আগবঢ়াই বিশিষ্ট সমাজকৰ্মী দীনেশ ডেকা,অৱসৰী শিক্ষক ডিম্বেশ্বৰ শৰ্মা,সদৌ অসম ছাত্ৰ সন্থাৰ ৰাজ্যিক কাৰ্যনিৰ্বাহক সদস্য নিৰঞ্জন শইকীয়া, বিশিষ্ট সংগীত শিল্পী কামিনী ডেকা,দেওমৰনৈ কনিষ্ঠ মহাবিদ্যালয়ৰ প্ৰৱক্তা অমিতাভ ভট্ট, গাঁও ৰক্ষী বাহিনীৰ বিষয়া তৰুণ চন্দ্ৰ বৈশ্য,অসম জাতীয়তাবাদী যুৱ ছাত্ৰ পৰিষদৰ দেওমৰনৈ আঞ্চলিক সমিতিৰ উপদেষ্টা নৱজিৎ শৰ্মা,অৱসৰী শিক্ষক অমিয় শৰ্মা,ভুড়াৰগড় হাইস্কুলৰ শিক্ষক শশীন্দ্ৰ শৰ্মা, জ্ঞানজ্যোতি হাইস্কুলৰ প্ৰধান শিক্ষক শৰৎ চন্দ্ৰ শৰ্মা, বিশিষ্ট সমাজকৰ্মী সত্যপ্ৰসাদ ডেকা,যুৱ সমাজকৰ্মী পংকজ নাথ ,দেওমৰনৈ স্নাতক মহাবিদ্যালয়ৰ কৰ্মচাৰী তিলকসেন কলিতাৰ‌ লগতে কেইবাগৰাকীও বিশিষ্ট ব্যক্তি উপস্থিত থাকে। অনুষ্ঠানৰ আঁত ধৰে দেওমৰনৈ স্নাতক মহাবিদ্যালয়ৰ কৰ্মচাৰী ডিগাম্বৰ ডেকাই ।